Popular Bible Verses from मत्‍ति 5

શેર કરો

साङ्‌आछाङ खाउप्‍खा ओङ्‌सुकि खेङ्‌आ अ़दिप्‍तुन, मेन खाउप्‍खा युङ्‌खाचोक्‌दु युङ्‌सु खोन्‍कि खिम्‌दा कायुङ झारा मोसाआ उप्‍तुचि। ओवात्‍निङा आम्‍नुओ साम म़नाचिओ अ़चुबुदा लेत्‍ने, खोन्‍कि मोचिआ आम्‍नुओ अ़नुवाक काचि अ़खाङ्‌ने खोन्‍कि निनाम्‍मादुओ आम्‍नुओ पापाओ अ़चुऩङ अ़लोङ्‌ने।

खानानिन हेन्‍खामाओ साम ओ। भ़ऱदुओ सहरा कुम्‍मा अ़ऱनिन।

सेङ्‌याङ्‌ओ अ़चुसाकोङ्‌वा याक्‌याङ्‌ओचि आसिखा कातोक्‌चि ओ, देकिनालो मोचिआ निनाम्‍हाङ अ़खाङ।

साम्‌योक्‍मिओ निम्‍पाङ साकास़चि खोन्‍कि वामित्‍मा कास़चि आसिखा कातोक्‌चि ओ, देकिनालो मोचिओ अ़चुसोम्‍स़।

मेन अ़ङ्‌का खानानिन लोनानिन, आम्‍नुओ ङेङ्‌चि सोमातुक्‍तानुम्‍च़म, खोन्‍कि खानानिन काल़क्‌चिओ निम्‍पाङ यामारानिन

“लावामि य़ङ्‌दा आप्‍पि मान्‍तोक्‍कादा लिसिन्‍काओनि कातुप्‌चि आसिखा कातोक्‌चि ओ, देकिनालो निनाम्‍हाङ्‌होन मोचिओङा ओ।

सेवाङ्‌निओ निम्‍पाङ काचि कामुचि आसिखा कातोक्‌चि ओ, देकिनालो मोचि निनाम्‍हाङ्‌आ अ़ङ्‌छाचिनि म़लोचि।

सोखा कामुचि आसिखा कातोक्‌चि ओ, देकिनालो निनाम्‍हाङ्‌आ मोचि अ़चुसोम्‍म़सेत्‍तुचि।

साम्‌योक्‍मिओ निम्‍पाङ दुखा कातोक्‌चि आसिखा कातोक्‌चि ओ, देकिनालो निनाम्‍हाङ्‌होन मोचिओङा ओ।

सोम्‌योक्‍मा खाङ्‌कामुचि आसिखा कातोक्‌चि ओ, देकिनालो मोचिआ सोम्‌योक्‍मा अ़तोक।

खानानिन अ़ङ्‌का कात़ङ्‌चिओसा म़नाचिआ खानानिन ऩसुङ्‌तिन खोन्‍कि ऩल़क्‍तिन खोन्‍कि सोज्‍जेओ चेप्‌याङ्‌सा आम्‍नुओ देङ्‌सालाप्‍पादा झाराकापाराओ अ़त्‍लो ऩलोन्‌नालो खानानिन आसिखा कातोक्‌चि ओ। मोन्‍ग़रि ऩङानुसानिन्‍चिन, खोन्‍कि छेमा काइसानिन्‍चिन, देकिनालो निनाम्‍मादु आम्‍नुओ सिरिफा तोक्‍पो युङ्‌याङ। देकिनालो खानानिन्‌दाङ्‌का बुयाओ निनाम्‍हाङ्‌य़ङ खाकालुचि मोवात्‍निङा मोचिआ म़ल़क्‍तुचिओ।

कासिम्‍नान्‍चिन्‌चि आसिखा कातोक्‌चि ओ, देकिनालो मोचिआ हेन्‍खामादाओ पाङ अ़तोक।

खानानिन हेन्‍खामादाओ युम ओ, मेन युम्‌ओ अ़लुमा माखात्‌नालो मो दिसाआ युम्‍पाक्‍पाक्‌वा खाना लामामुमा त़ऱ? मो ना बुङ्‌खाया वेत्‍माखान्‍माकि म़नाचिओ अ़चुलाङ्‌आ नेप्‍मादाङ्‌का नि दित्‍छाङ अ़काचि मात्‍द़ङ।

खोन्‌ओसा निनाम्‍मादु कायुङ आम्‍नुओ पापा देत्‍नि अ़नुवाक म़मुयाङ, खानानिन्‌छाङ मोवात्‍निङा अ़नुवाक लिसानिन।”

खानानिन त़चेविन्‌ओ य़ङ ‘अ़नुछ्‍या’ओ अ़नुछ्‍याङाने, ‘माआङ’ओ माआङ्‌ङाने। ओदाङ्‌का च़लोक अ़अ़त्‍पाएदाङ्‌का ता।

खानानिन्‌आ त़एनुम्‌युङ्‌सुम, ‘म़क्‌ओ अ़फान म़क, खोन्‍कि क़ङ्‌ओ अ़फान क़ङ।’ मेन अ़ङ्‌का खानानिन लोनानिन, साङ अ़अ़त्‍पा मुयाङ, फित्‍चि मान्‍मुदानुम। मेन साङ्‌आ खाना आम्‍चुप्‍ताङ खोम्‍ताङ्‌मादा त़फेङ्‌नालो खो नि आम्‍खोम्‍ताङ्‌माछाङ तात्‍तु प़।

चुप्‍ताङ आम्‍म़क्‌आ खाना हेवा मुत़मेत्‌नालो मो लारुकि वेत्‍तुखाइसु! देकिनालो झारा आम्‍पोक्‌एनान सित्‍म़ङ दुखा तोक्‍खायु वेन्‍दिलुमादाङ्‌का ना आम्‍पोक्‍फुत्‍चिएदाओ अ़क्‌तात मामाङा आम्‍को निम्‍पाङ अ़नुवाक लि। चुप्‍ताङ आम्‍छुक्‌आ खाना हेवा मुत़मेत्‌नालो मो क़प्‍तुकि वेत्‍तुखाइसु! देकिनालो झारा आम्‍पोक सित्‍म़ङ दुखा तोक्‍खायु खात्‍मादाङ्‌का ना आम्‍पोक्‍फुत्‍चिएदाओ अ़क्‌तात मामाङा आम्‍को निम्‍पाङ अ़नुवाक लि।