Popular Bible Verses from Zyan 10

શેર કરો

Kàyuuo kapanni nyúngo gi nyɛ kàyuugi, ní kpóoli, ní kálagili. Mii si n pan koro ga pye mii bǎbèle í ba sìi taa, sìíwee pe a taa lè wi pye be ma sìiteleo.

Mii wi nyɛ bànaʔacǎnw. Bànaʔacǎnw si n yére gi ni bi kùu wi bǎbèle nyùnzyɔɔrɔ kéele na.

Mii bǎbèle n mii yákpoli cán, a mii wɔ́ɔ̀ be cán. Pe i taari mii na.

Mii n sìibangwɔɔw kaan be ma. Pe a tée kùu bi nyaa í. Syɔɔn faala a gbǎn be kíle yirige mii kɔ́gi ni í.

Mii si wi nyɛ bàkpoweeli. Wee faala wi ga jée mii ni lè, wee bee a syɔɔ. Woro a ra jǐn sáā lúrugu da yirigi, sáā nyàácànga taagi da káa.

Mii si wi nyɛ bànaʔacǎnw. Mii n mii bǎbèle cán, a mii bǎbèle wɔ́ɔ̀ mii cán

Mii Tóow wi be kaan mii ma lè, wi n kpɔ́ʔɔ n sɔ̀lɔ yáriri myɛ na. Syɔɔn si a wɔ́ɔ gbǎn be kíle yirige woro kɔ́gi ni í. Mii Tóow ní mii ní wolo i nyɛ nibin.»

àmɛɛ Tofɔw mii cán lè á mii wɔ́ɔ̀ Tofɔw cán. Mii n yére gi ni bi kùu mii bǎbèle nyùnzyɔɔrɔ kéele na.

Syɔɔn faala a mii kaan kùúw ma í, mii tiimaa wi yére gi ni bi kùu. Fànʔa i nyɛ mii ma bi niyɛɛ gaan kùúw ma, fànʔa si ní i nyɛ mii ma bi niyɛɛ zyɔɔ wi ma. Tundunri bee mii Tóow kaan mii ma níì jo mii í di kpéʔele.»

Gee bee na Zyezu níì be pye: «Mii a tɔ̀nɔ́ gi joo yele ma kányɛʔɛ ni, mii wi nyɛ bàkpoweeli.

Kàjáa syɔ́ɔnwee wi bǎbèle nàʔá lè sàra na, wi o nyɛ bànaʔateleo í, bǎbèle si wɔ́ɔ o nyɛ wi wòolo í, lǎlee ni wi ga kàsologo wéle n nyaa lè ki i maa, wi n bǎbèle yaʔa níì fàn. Kàsologi n ba ni be nɛnɛ ni có, pe n fàn n cariga.

«Mii a tɔ̀nɔ́ gi joo yele ma kányɛʔɛ ni, syɔ́ɔnwee wi ga ni caa lè bi jée bàkpogi ni, wi si ga jée bàkpoweeli ma í, níì lúgu kàkɔlɔgi na n jée yaà, wee bee i nyɛ kàyuuo ní wɔ́ɔ i nyɛ kàyuu-fànʔafɔlɔ.