Popular Bible Verses from Epacerero 9

શેર કરો

Vano Muluku aapwaherera: “Ela ti eneneero ya wiiraana kimpakaaka ni nyuwo, ni itthu sa okumi sootheene siri ni nyuwo, wa ikhapira sootheene sa muhoolo: Muuraaka kiikaathiyaaka mmahutteni. Eniikhale eneneero ya wiiraanawaka kinkhalihaaka ni elapo ya vathi.

Imaara sootheene muura oneeraaya okhumeke mmahutteni, nkiwehe yoowo ni nkuupuwelele wiiraana woohimala variyari wa Muluku ni itthu sa okumi sootheene sinkhala mweelaponi ya vathi.”

Yoowo aneera ayeehe ephome ya mukhwaawe, ephomaawe eniiyeehiwe, niwoko mutthu aapathuxiwe mweekhaleloni ya Muluku.

Vano Muluku aamureeliha Nowe vamoha ni anamwanaawe aweerelaka: Muyaraneke ni mwaandyeereraneke weera musareyeke mweelaponi moothemwene.

Itthu sootheene sirino okumi nsikhale yoocaanyu. Hiiho ntoko koovanghaakani soowiima weera muce, hiihotho kinoovahani itthu sootheene.

Inama sa ntuphini sootheene, ipalame, soowiipurula sootheene, ni ihopa sa mphareiya nseereke woothukumelani. Sootheene iyo moovahereriwa mmatatanimwanyu.

Vano nyuwo muyaraneke ni mwaandyeereraneke. Mmwaramwareyeke elapo yootheene ni musareyeke.”