Popular Bible Verses from Matyê 12

શેર કરો

Məŋ ndáʼ wéi: Ə́ táa pə́ leʼé yi Sê wo nzáʼ kôr təcər páp pə pye-mə́soŋ, wǒwó ghwô lə̂ mbyêtə́ ntsʉ yé pə́ zʉ́ lə̂ məghəghəʉ mətsâr mi ə́ lə kwatə́ ntsʉ zʉ́. Ə Sê táa lǎghʼ pə̂ no yi ə́ lə kwǎr ntsʉ maa wǒwó, ə́ záʼ kôr ye, a lə́iʼ wʉ̌ kôr po, a zʉ̂.»

Ngər mənô, mboʼ pei pə̂ pye tə́poŋ gháʼá lə́, ə́ mbou ndâʼ no shʉʼʉ gháʼá gháʼá? Ŋuu lâʼ pə̂ no yi ə́ pə́ cər ntə̂ʉ zʉ́.

Pei jí ngô: Ŋuu lə̌i ngwô ntə̂ʉ shʉʼʉ, mə́i a wo ghwǒ ntsâr shʉʼʉ; ə́ ngwǒ ntə̂ʉ tə́poŋ, mə́i tsâr tə́poŋ lə́ wo kwǎr ntsʉ zʉ́.

Ə́ pə̂ yə́rə́, m mə̂ ndâʼ lə́ pei ńgó mboʼ Sê lyəghʼə́ məfaa pye-mə́soŋ pə́tsəm ńŋə́ lə́ páp, tə mbaa mətsâr mə́tsəm mi gháp laghʼ ńzôutə yé. Lə́ ŋuu lə̌i nzôutə́ Zəghʼə Ndêi-lěi, mə́i pə́ wo lyəghʼə́ yé ńŋə́ lə́ zʉ́ po.

Yěso kə̂ ncí ndáʼ ngô: «Ə tʉ̌ lə̌i mbə́ tʉ̌ shʉʼʉ, mə́i ə́ wo zə́m pə̂ məntǎa shʉʼʉ. Ə tʉ̌ kə́ mbə́ yi tə́poŋ, mə́i wo kə́ zə́m pə̂ məntǎa tə́poŋ. Pə́ yaa njî tʉ̌ pə́ lə̂ məntǎa měi.