Popular Bible Verses from Matyo 28

શેર કરો

Tíʼ nə́ ńgɛnə̂ á mbô ŋwu ntsəmə, á mə́mə atúmə atsəm ńgɛd pó tíʼ ḿbə́ ngaŋə́zoŋə́ndzəmə mə̈, əfɛ̂ nkǐ nə́ pó nə́ əlɛ́n Tǎ, nə́ yǐ Móonə, ḿbɨ́ ḿbə́ nə́ yə Ajwiə̈. Ńkə́ ndzéʼkə ághɔ́b ńgə́ pó zóʼnə anuə atsəm páʼ maŋ sóŋ nə́ á mbô pəənə́. Maŋ yï chîə lə́ tsɔʼə pɛn əghâ ətsəm tə koʼə̂ á ndwegtə mbîə.”

Yeso tíʼ ńgyǐəə á mbô pó ə́sóŋ ńgə́, “Tǎ mə á fɛ̂ mətɨ mətsəmə á mbô maŋə á nəpó pó ndu mbîə.

Ntseŋndɛ̂ yi wə́ a sóŋ nə́ pəngyě pə́ ńgə́, “Kɔ nə pɔ́gə, maŋ jî ńgə́ pɨ náŋə lə́ Yeso páʼ pə́ nə ńkwumtə̂ nə́. A kě aliʼə́ nə́ chî pô, a júmnə nəwû tsɔʼə ndzaŋə a nə sóŋ nə́ lə̂. Yǐ nə́ ńdzə́ənə aliʼ páʼ a nə ńnoŋnə̂ ə́wə́.

Yeso a tíʼ ə́sóŋə á mbô pó ńgə́, “Kɔ nə pɔ́gə, ghɛn nə́ sóŋ á mbô pɔ́pə́mɛ́ mə ńgə́ pó ghɛnə̂ Galili, pó yǐ zə́ənə mə ə́wə́.”

Pətə́kɔʼ pə́ ngaŋə́pêsê pópə mətû mə́ aláʼ pó jwánə ńtíʼ ńkwaŋə̂ anu pó yǐ nə́ ghɛlə̂; əfɛ̂ chigə tə́kɔʼ nkéebə á mbô ngaŋə́pyáabə əliʼ zə̂ ə́sóŋ nə́ pó ńgə́, “Nə yǐ nə́ sóŋ ńgə́ ngaŋə́zoŋə́ndzəm əjí ə́ nə ńgyǐəə á nətúʼ páʼ pəg nə ńtə́ nə́ ńdê ńdzəələ̂ akwûə ajíə. Mbɔʼ nkɨ ghɛn ə́ kwúnə nətôglə nətû nə́ aláʼ, ḿbə́ pəg jîə anu pəg yǐ nə́ ghɛd nə́ yí tə a kě anu yətsə́ nə pɨ ghɛd pô.” Ngaŋə́pyáabə əliʼ zə̂ pó tíʼ ńkwá nkáb yi wɨ́ ə́faʼ ndzaŋ pə sóŋ nə́ ńgə́ pó faʼə̂. Tə ńkoʼ ə́sɛ̂n, Pəjusə pə̈ sóŋə lə́ tsɔʼə ə́lə́ələ́.