Popular Bible Verses from Matyo 13

શેર કરો

Lə́ mbǐpú ə́ nə ńgwukə̂ nə́ á ndu ndəsê yi əshîʼnə lə́, lə́ ŋwu páʼ a zóʼ nə́ atsáb yə wɨ́ atûə ajíə á kə́ ńdá ə́wə́. A tíʼ ńdzə́m mənteemə́; mətsə́ táʼ nkɛlə́, mətsə́ məghə́m mɛ́n ntogə́, nə́ mətsə́ məghə́m mɛ́n teelə́.

Yi ə́ nə ńgwukə̂ nə́ á mə́m məsɔbsɔb lə́, lə́ ŋwu páʼ a zóʼ nə́ atsáb yə wɨ́ nətáŋ mbî pópə əpú ndu mbî ə́ fumkə̂ yí a kě pɨ ńchî təmbɔʼ a zə́m mənta mətsə́ pô.

Ŋwu ntsəm páʼ a zóʼ nə́ atsáb ńté anuə nəfoonə Əsê, atûə ajíə a chî ə́wɨ́ lá pô, a chî lə ándó mbǐpú nə ńgwukə̂ nə́ a alaŋə́ ndú lə̂. Satanə á pə́ nə́ Ŋwu Təpɔŋ lə́ a yǐ ə́fógə anuə atsəm pə́ nə ḿbǐ nə́ a ntɨ́ yə́.

Mbǐpú nə ńgwukə̂ nə́ a ndu ngwúb lə́, ə́ chî lə́ ándó ŋwu páʼ a zóʼ nə́ atsáb yə wɨ́, ńkə́ ńtɔ́g ḿbí nə́ akɔŋtə. Ndzaŋə a kě nə́ məŋaŋ túg pô lə́, zə́ələ́ a chîə ntɨ́ yí tsɔʼə nə́ mɔ́ akəmə ndɛlə́. Əghâ ándó a yǒ nə́ ńchîə á mə́m ngə́ʼ, kɨ pə́ tsaŋkə̂ yí ńté atsáb yə wɨ́, a zaŋkə̂ ńtsɔ́ʼ mbô mí ə́wə́.

Anuə nəfoonə nəpóolə a chî lə́ ándó afoʼ páʼ pə́ lyáŋ nə́ á mə́m nkáʼ, ŋwu tsə́ a yǐ ńjɨ́ ḿbɨ́ ńkə́bkə zə́ələ́. Mbɨ əjǐ pɔŋ lɛ tətə, a ghɛn ə́finə̂ ajúmə atsəm páʼə a túg nə́ ńgyǐ ńjú nkáʼ yi wɨ́ ə́wə́.

Lə́ yitsə́ ə́ pɛ́d ńgwǔəə a ndu ndəsê yi əshîʼnə ńkɔ́ʼ ńdzə́mə. Pətsə́ ə́ zə́m mbəm nkɛlə́, yitsə́ ə́ zə́m mbəm məghə́m ntogə́, yitsə́ ə́ zə́m mbəm məghə́m mɛ́n teelə́.

Mɛdtə̂ nə́ ajúmə atsəmə á nɔd ńkɔ́ʼ tə ńkoʼə̂ alě pə́ʼə ngəsáŋə́. Əghâ yi wɨ́ maŋ tíʼ ə́sóŋə á mbô ngaŋə́pə́ʼə́ ngəsáŋ ńgə́, “Peg nə́ ńtsɔ́ʼtə ngɔ́n zə̂ ńkwúlə á mboʼə́ mboʼə́ pə́ yǐ ńtoonə̂, ńtíʼ ḿbə́ʼə ngəsáŋ wə̂ ńgyǐ ńnéŋə á nkye maŋə.”