Popular Bible Verses from Yoana 6

શેર કરો

Nejoki ꞉Yeso, <<Kara nanu inia ndaa e nkichui. Kore pooki ng'ae olotu natii, nemear aikata sumach, naa kore laairuk, nemetir aikata nkure.

Kore Ltau Sinyati naa ninye oichoru nkichui, naa kore ngolon e ltung'ani naa meitoki eidim ataasa. Kore rerei latiaka ntae, naa nkiyeng'et o nkichui.

Eminyok aas siaai payie itumtum ndaa narroyo, kake entaas siaai payie itumtum ndaa nemerroyo nayau nkichui ee ntarasi. Kore inia daa naa Nkerai e Ltung'ani naicho ntae, amu ninye etipika ꞉Nkai Papa lminchire lenye le nkitoo.>>

Amu kore nayieu ꞉Papa lai, naa metaa kore pooki ng'ae ooing'or Nkerai enye neiruk, netum nkichon nemeiting. Naa kaitipiu nanu ninche te inia parri e nkiting'oto.>>

Nejoki ꞉Yeso, <<Kore siaai e Nkai naa payie irukuruk ilo oirriwua ꞉ninye.>>

Kore lolo pooki laaicho ꞉Papa, naa kepuonu natii. Naa kore pooki ng'ae olotu natii, mamiraa aikata.

Newoliki ꞉Simon Petero ajoki, <<Laitoriani, neti ng'ae kipuo iyioo? Iata iyie rerei le nkichon nemeiting.

Kara nanu ndaa naichu natodowua eing'uaa chumata. Naa kore tanaa kenya ltung'ani ana daa, naaku keichu ntarasi. Kore ana daa naa sesen lai, oichoruaki payie etum nkop nkichui.>>

Meatae ltung'ani oidim ayeu natii nanu mara ake ilo oyietu ꞉Papa lairriwua, naa kaitipiu nanu ninye te inia parri e nkiting'oto.

Kore inia daa e Nkai naa ilo otodowua eing'uaa chumata, neicho nkop nkichui.>>

Kara nanu ndaa e nkichui.

Nerrapu ꞉Yeso naaduo mukateni, neicho Nkai nache, neoroki ltung'ana pooki oowueni teinie. Neitoki aiko nejia sinkirri, neicho ꞉ltung'ani pooki ana nayieu. Kore payie enya ltung'ana ndaa aaimu, nejoki ꞉Yeso looiteng'eni lenyena, <<Enturrurro ng'urrot ee mukateni o sinkirri ootelekunye, paa meatae hoo ntoki naim siu.>>

Kore payie ereu ꞉looiteng'eni meli kilomitani oabaki imiet anaa ile, nedol Yeso eporu nkare alotu anyikaki meli, neiputukuny. Nejoki ꞉Yeso ninche, <<Emimputukuny! Nanu dei ele!>>