Popular Bible Verses from Kut 17

શેર કરો

Aburahamu ku yaabaire ahikize emyaka makumi mwenda na mwenda y'obukuru, Ruhanga yaamubonekyera, yaamugira ati: Niinye Ruhanga omushoboorozi wa byona. Guma otwaze gye omu maisho gangye, otaine ky'okuhaahuuzibwa.

Eiziina ryawe tiryakiba Aburahamu, kureka niriija kuba Aburahamu, ahabw'okuba naakuhindura ishenkuru w'amahanga maingi.

Ndyahamya endagaano yangye naiwe, kandi ngihamye na baijukuru baawe waarugireho omu nzaaro zaabo zoona. Ebe endagaano etarihwaho, Nyowe okuba Ruhanga waawe kandi owa baijukuru baawe iwe waarugireho.

Reeba, naakora naiwe endagaano, oryaba ishenkuru w'amahanga maingi.

Ruhanga amugarukamu ati: Ngaaha, kureka Saara niwe arikuzaarira omwana omwojo, omwete Isaaka. Ndyahamya endagaano yangye nawe, ebe endagaano etarihwaho aha baijukuru abarimukurata.

Ndyakuha, mpe na baijukuru baawe abarikukurata, ensi ei oshuuhuukiiremu, ensi yoona eya Kanaani, kuba eyaanyu ebiro byona; kandi ndyaguma ndi Ruhanga waabo.

Aburahamu atyo agwa ajuumaire, haza asheka naayebuuza ati: Ebyo omushaija w'emyaka igana naabaasa kuzaara omwana?

Kandi Ruhanga akagira Aburahamu ati: Omukazi waawe Sarai otarimweta Sarai obundi, kureka eiziina rye riryaba Saara.

Muryasharwa ekikoba ky'omubiri gwanyu, kabe akamanyiso k'endagaano yangye naimwe.

Kwonka endagaano yangye ndyagihamiza ahari Isaaka, ou Saara arikuzaarira omu bunaku nk'obu omwaka ogurikwija.

Omwojo weena omuriimwe omu nzaaro zaanyu zoona ku arihitsya ebiro munaana azairwe, asharwe; yaaba azairwe omu ka yaanyu, nari mumuguzire empiiha aha munyaihanga otari w'omu ruzaaro rwawe. Abarizaarwa omu ka yaawe, n'abaguzirwe empiiha zaawe boona basharwe, endagaano yangye etyo ebe aha mubiri gwanyu endagaano etarihwaho.