Popular Bible Verses from Matius 19

શેર કરો

Yesus haga pa dorang kong bilang, “Manusia tara mungkin mo kase slamat dia pe diri sandiri. Cuma Tuhan Allah saja yang bole kase slamat pa manusia, karna untuk Tuhan Allah apa saja bisa jadi.”

Jadi dorang itu so bukang dua lagi, tapi so jadi satu. Karna itu, apa yang Tuhan Allah so kase jadi satu, manusia tara bole kase cere.”

Tapi Yesus bilang pa dorang, “Pasti ngoni so baca di Kitab Suci, dari pertama waktu Tuhan Allah cipta manusia, Dia biking laki-laki deng parampuang. Kong Tuhan Allah bilang bagini, ‘Karna itu, laki-laki akan kase tinggal dia pe papa deng mama kong hidup satu deng dia pe bini, supaya dorang dua jadi satu.’

Jadi Yesus bilang pa Dia pe murit-murit itu, “Kase biar suda ana-ana itu datang pa Kita. Jang larang pa dorang, karna orang-orang yang tara sombong deng yang capat percaya sama deng ana-ana kacil ini, dorang itu yang kase dong pe diri pa Tuhan Allah la Dia Berkuasa sebagai Raja pa dorang pe hidup.”

Tapi banya orang yang jadi orang penting di dunia ini, nanti jadi orang yang tara penting, kong orang yang tara penting di dunia ini, nanti jadi orang penting.”

Kong tiap orang yang iko pa Kita sampe dia so kase tinggal dia pe ruma, dia pe sudara laki-laki atau sudara parampuang, dia pe papa atau dia pe mama, dia pe ana-ana atau dia pe kobong, orang itu akan tarima ulang saratus kali lipa samua itu, deng dia me akan dapa hidup deng Tuhan Allah slama-lamanya.

Yesus bilang pa dia, “Kalu ngana suka mo iko pa Tuhan Allah deng sempurna, ngana pigi suda kong jual samua ngana pe harta, la kase dia pe doi itu pa orang-orang miskin. Kalu ngana biking bagitu, ngana dapa harta di sorga. Abis itu, kamari suda la iko pa Kita.”

Yesus bilang pa dia, “Bikiapa kong ngana tanya pa Kita tentang apa yang bae? Yang bae cuma Tuhan Allah. Kalu ngana mau dapa hidup deng Tuhan Allah slama-lamanya, ngana musti iko Tuhan Allah pe parenta-parenta.”

Kong ngoni inga lagi yang Kita bilang ini, masi lebe gampang unta satu ekor maso di lobang jarum daripada orang kaya mo kase dia pe diri la Tuhan Allah Berkuasa sebagai Raja pa dia pe hidup.”

Dengar bae-bae, laki bole cere dia pe bini kalu dia pe bini so baku suka deng orang laeng. Tapi kalu tarada, kong laki itu cere pa dia pe bini, turus laki itu kawing deng parampuang laeng, di Tuhan Allah pe muka laki itu so sala, karna so baku suka deng parampuang yang bukang dia pe bini.”

Abis itu, Yesus bilang pa Dia pe murit-murit, “Inga bae-bae yang Kita bilang pa ngoni e, memang pe susa skali orang kaya mo kase dia pe diri la Tuhan Allah Berkuasa sebagai Raja pa dia pe hidup.