Popular Bible Verses from Yoano 6

શેર કરો

Kumvwa Yesu wibambijile amba, “Amiwa ne kajo ka bumi, aye wiya kwi amiwa kechi akomvwe nzala nangwa pacheche ne, kabiji ne awa wangitabila amiwa kechi akomvwe kilaka nangwa myaka yonsetu ne.

Ye Mupashi upana bumi, buntunshi bo bwatu. Byambo byo nemwambila byo bya mupashi, kabiji byo bya bumi.

Kechi mwingijile kajo konaika ne, pakuba ingijilai kajo kakelwa ne ku bumi bwa myaka ko akemupa Mwana Muntu. Mambo aye bamubikile kayukilo kwi Shanji, yenka Lesa.”

Pakuba kino kyo kyaswa muchima wa bataata amba, bonse bamumona Mwana ne kumwitabila, bekale na bumi bwa myaka, kabiji ne amiwa nkebasangula mu juba jikapelaako.”

Kumvwa Yesu wibambijile amba, “Uno ye mwingilo wa Lesa, amba mu mwitabile aye yenka ye atuma.”

Bonse bo bampa bataata bo bakeya kwi amiwa, kabiji awa wiya kwi amiwa kechi nkamupange nangwa pacheche ne.

Kumvwa Shimona Petelo wamwambijile amba, “Nkambo, tukaya kwi ng'anyi? Byambo bya bumi bwa myaka muji nabyo anweba.

Amiwa ne kajo komi kafuma mwiulu, inge muntu waja ku ko kano kajo ukekalanga na bumi myaka. Kabiji ne aka kajo ko nkapana amiwa ye mubiji wami, ye nkapana namba ba pano pantanda bekale na bumi.”

Kafwako wakonsha kwiya kwi amiwa ne, poso abo Bataata bantuma bamukoka, ne amiwa nkamusangula mu juba jikapelaako.

Ke pakuba kajo ko apana aye Lesa, ke yenkawa ufuma mwiulu, ye upana bumi ku ba pano pantanda.”

Amiwa ne kajo ka bumi.

Ponkapo Yesu washikwile bashinkwa, ne kumusanchila Lesa, wibabijile baikajile panshi ne masabi nao pamo, kabiji bonse bajiile monka mwasakijile michima yabo. Ponkapo byo baikuchile wa ambijile baana banji babwanga amba, “Tolaulai bibese byashalapo, kechi ponaike nangwa kacheche ne.”

Kabiji byo bavuwilenga misinso isatu nangwa ina pa mema, bamwene Yesu kasa enda pa mema, kwiya kwipi na ku bwato, ne abo baubile moyo. Pakuba aye wibambijile amba, “Ye amiwa bano, kechi mube moyo ne!”