Popular Bible Verses from Matewu 5

શેર કરો

Nasvona, avalumeki rivoni kurimbhonya hi xirhundzu, kambe variveka henhla, kutani rivoninga hinkwavu lava vanga ndlwini. Kuvonakala ka n'wina akuvoningele vanhu hi mukhuva wolowo, lesvaku vatavona mintirho ya n'wina leyosaseka, vadzunisa Tatana wa n'wina lweyi anga matilweni.

N'wina mi kuvonakala ka misava; doropa leriyakiweke ntshaveni aringetumbetiwi.

Kukatekile lavanga ni timbilu letibaseke, hikuva vatavona Xikwembu.

Kukatekile lavanga ni ndlala ni torha ra svolulama, hikuva vataxurhisiwa.

Kambe mina nili ka n'wina: Rhandzani valala va n'wina, mikhongelela lava vamixanisaka

“Kukatekile svisiwana moyeni, hikuva Mfumu wa matilo i wa svona.

Kukatekile lavatisaka kurhula, hikuva vatavuliwa vana va Xikwembu.

Kukatekile lavarilaka, hikuva vatachaveleliwa.

Kukatekile lava vaxanisiwaka hikolaho ka svolulama, hikuva Mfumu wa matilo i wa vona.

Kukatekile lavanga ni timpsalu, hikuva vatakombiwa timpsalu.

“Mikatekile loko vamirhuketela, loko vamixanisa ni kumilumbeta hi mavunhwa lawa yotala hikolaho ka mina. Tsakani, mitsakisisa, hikuva hakelo ya n'wina i yikulu matilweni; hikuva vaxanisise xisvosvo vaprofeta lava avali kona, na n'wina mingasivakona.”

Kukatekile lavorhula, hikuva vataja ndzhaka ya misava.

N'wina mi munyu wa misava; kambe loko munyu wupshama, kunandziha ka wona kutapfuxetiwa hi yini ke? Awahapfuni nchumu, loko kungali kucukumetiwa handle, wukandziyeliwa hi vanhu.

Hikolaho-ke, na n'wina mifanele kuhetiseka, kufana ni lesvi Tatana wa n'wina wa le tilweni ahetisekeke.

“Akuvulavuleni ka n'wina ‘Ina’ aave ‘Ina’, ‘Ahihim’ ava ‘Ahihim’. Lesvi yengeteleliwaka ka svosvo svihuma ka lweyi wobiha.”

“Misvitwile lesvingavuliwa loko vaku: ‘Tihlo ririhiwa hi tihlo, tinyo hi tinyo.’ ” Kambe mina nili ka n'wina: Mingatshukeni miyalela lweyi amiyendlelaka lesvobiha; kambe loko munhu akumakala rhama ra xinene, mukangatelele ni lerin'wana.

Hikolaho loko tihlo ra wena ra xinene rikujohisa, rixokole, uricukumeta kule na wena; hikuva svingayampsa loko xirho xin'we xa wena xilova, miri wa wena hinkwawu wungahoxiwi Tiheleni. Loko voko ra wena ra xinene rikujohisa, ritseme, uricukumeta kule na wena, hikuva svingayampsa loko xirho xin'we xa wena xilova, kutlula kuva miri wa wena hinkwawu wuya Tiheleni.