Popular Bible Verses from KĨAMBĨRĨRIA 2

શેર કરો

Tondũ wa ũguo-rĩ, mũndũ mũrũme nĩatigane na ithe na nyina, magwatane na mũka, nao erĩ matuĩke mwĩrĩ ũmwe.

Ningĩ Jehova Ngai akiuga atĩrĩ, Ti wega mũndũ ũyũ aikare wiki; nĩngũmũũmbĩra mũmũteithia o ũrĩa maaganĩrĩirũo nake.

Nake Jehova Ngai akĩũmba mũndũ na rũkũngũ rũa thĩ, agĩcoka akĩmũheeherera mĩhũmũ ya muoyo na marima ma iniũrũ; nake mũndũ ũcio agĩtuĩka mũndũ wĩ muoyo.

Nake mũndũ ũcio akiuga atĩrĩ, Rĩu kaĩ ũyũ nĩwe ihĩndĩ rĩmwe riumĩte mahĩndĩ-inĩ makwa, o na nyama yumĩte nyama-inĩ ya mwĩrĩ wakwa-ĩ! Nĩ wega etagwo Mũndũ-mũka, tondũ arutirũo thĩinĩ wa Mũndũ-mũrũme.

Na rĩrĩ, mũthenya ũcio wa mũgwanja-rĩ, Ngai akĩũrathima, akĩwamũra, nĩ ũndũ mũthenya ũcio nĩguo aahurũkire agĩtiga wĩra wake wothe ũrĩa we Ngai aarutĩte wa gũtũma indo igĩe, o na wa gũciũmba.

Nao acio erĩ, mũndũ na mũka, maarĩ njaga, na matiaiguaga thoni.