Popular Bible Verses from Luka 4

શેર કરો

Nyuma wa Nzambi udi hamʼbidi hanyi, Bualu bua yeye wakangela manyi ha mutu ne, Ambila bantu bahele lumu luimpe; Yeye wakuntuma ne, Ambila bena lukanu bualu bua dikohoka diabo, Ne bafofo bualu bua kutabasha kua mesu abo, Uhe badi batata budishikaminyi, Ambila bantu bualu bua tshidimu tshiakitabusha Mukelenge.

Yesu wakamuandamuna ne, Bakafunda dî ne, Kukuila Mukelenge Nzambi webe, umuenzele yeye nkayandi mudimu.

Yesu wakamuandamuna ne, Bakafunda dî ne, Muntu kikadi biandi ne muoyo bualu bua bidia nkayabi.

Yesu wakadi mûle tente ne Nyuma Muimpe, wakafuma ku Yadene, Nyuma wakamulombola mu tshihela tô matuku makumi anai

Yesu wakamuandamuna ne. Bakamba ne, Kuteyi Mukelenge Nzambi webe.

Hakashikisha diabolo mateyi onso, wakamusha tô ne ku tshikondo tshikuabo.

Diabolo wakabanda nʼandi, wakamulesha makelenge onso a ha buloba tshikondo tshimue. Diabolo wakamuambila ne, Nenkuhe bukokeshi ebu buonso ne butumbi bua makelenge au; bakamana kubumpa; muntu yonso undi musue kumuhabu, nemuhebu. Biwankukuila, nebuikale buebe. Yesu wakamuandamuna ne, Bakafunda dî ne, Kukuila Mukelenge Nzambi webe, umuenzele yeye nkayandi mudimu.

Diabolo wakaya ngandi ku Yelushalema, wakamushikika ha musonga wa ntempelo, wakamuambila ne, Biwikala Muana wa Nzambi, udiele hanshi, bualu bua bakafunda ne, Yeye neakufile mu bianza bia banjelo bandi, bakulame; Ne dî dikuabo ne, Nebakutuale mu bianza biabo, Bua wewe kukumi dikasa diebe ku dibue. Yesu wakamuandamuna ne. Bakamba ne, Kuteyi Mukelenge Nzambi webe.