Popular Bible Verses from Yowanane 19

શેર કરો

Yezu mumane kunua maluvu awu, kuambaye ne: — Bionsu mbimane kukumbana! Pashishe kuinyikaye mutu, kukula muoyi.

Malu aa mamane kupita, bu muvua Yezu mumanye ne: mpindiewu bionsu mbimane kukumbana, bua kukumbaja miaku ivuabu bafunde mu Mukanda wa tshijila kuambaye ne: — Ndi ne nyota.

Yezu kumona mamuende ne mulongi uvuaye munange uvua pabuipi nende. Kuambilaye mamuende ne: — Mamu, ke muanebe awu. Pashishe kuambilaye mulongi awu ne: — Ke mamuebe awu. Biangatshile musangu awu, mulongi kumuangata bua kuya nende kuende.

Padibu bafika kudi Yezu, badi bamusangana mumane kufua. Nanku ki mbamutshibule mikolu to. Kadi umue wa ku basolayi kumutua difuma diende mu lubadi. Mashi ne mayi kupatukamu diakamue.

Bivua bienzeka nanku bua miaku ikumbane ivuabu bafunde mu Mukanda wa tshijila ne: “Kabena mua kutshibula mufuba wende nansha umue.” Mbafunde kabidi miaku mikuabu mu Mukanda wa tshijila ne: “Bantu nebatangile uvuabu batubule.”

Yezu kupatuka mu tshimenga mudiambuile mutshi mutshiamakane wende, bua kuya muaba udibu binyika ne: “Muaba wa Kabalubalu ka mutu” (mu buena ebrewu badi bawinyika ne: “Ngolgota.”)

Basolayi kuluka tshikata tshia meba, kutshiasa Yezu ku mutu. Kumuvuadikabu kabidi tshinkutu tshikunze.