Popular Bible Verses from Yoane 5

શેર કરો

Nsosolo, nsosolo, nsangelʼinyo endʼondokoza joi likami ko imezʼende ontomaki, aata loiko ja seko, ko afaoya ndʼetenelo eʼakambo, lolo aoleka limʼiwa ko aokita nda loiko.

Aki Yesu enakʼende akaji, ko aolea wae atemaki lʼotengu bokae ejingi mongo, aolokela, Olanga ndʼoike?

Inyo loyengela bikotelo bia Nzakomba, ekanelʼinyo wae nda biko loata loiko ja seko; ko bikotelo biko biosanga nsango ndʼeloko ekami: ko lofolange wae loyʼelʼemi wae loate loiko.

Yesu aolokela, Emala, ambolʼitoko ike, ko kenda. Ko nkako bontʼoko aika, ko aolambolʼitoko ikande ko aokenda. Mbilʼeko eki Sabata.

Yesu aolaamba, akela, Nsosolo nsosolo nsangelʼinyo, Bona afokambeya bolemo limʼelʼende mongo, imola nko bolemo bondenʼende Ise akamba; ele baoyi nko loswele bakelakʼende, Bona akelakʼaoyiʼako o ngoko.