Popular Bible Verses from Toango 13

શેર કરો

Elʼemi njifokoka we lʼana bake bokili bouma bondena we elaka nko bikeke biuma.

Aki Loto olenaka lʼende, Yawe aokela Abalama, “Bunza baiso bake, ko lima itenela ile we, lenda wiji wa nord la sud la est la ouest.

Njifofuza banʼake ngole biucu biʼokili; wete nkinʼonto aandeya biucu biʼokili, mpanga aande bana bake boanji.

Nkako Abalama aokela Loto, “Joi lifaonga nye wae bikoli biyale ndats’ emi la we, la ndatsa baesanyi bake lʼaesanyi bakami, elʼiso bioto.

Ko Abalama aosekola ilombe ikae ya bito, ko aocwʼofetsa nda ntoku ea beele nda Mamele, wijʼole Ebulone; ko aotongela Yawe nkinda ea mbeka eko.

Ko Loto aounza baiso bakae, ko aolena bofoku wa Yoladane, wae boki la basi bauke wiji la wiji, ngoki lisala ja Yawe, ko ngole bokili wʼEjipeto nda mboka ecwa nda Soala; ele ndʼekekʼeko Nzakomba atafofita Sodomo la Amola.