Popular Bible Verses from Gyenesis 6

શેર કરો

EWURADZE nuu noho dɛ ɔyɛɛ nyimpa wɔ asaase do, na ɔyɛɛ no yaw wɔ n’akoma mu.

Na EWURADZE hun dɛ nyimpa n’emumuyɛ ayɛ kɛse wɔ asaase do, na dɛ n’akoma mu nsusui nyinara yɛ bɔn ara nko daa no

Naaso Noa dze, onyaa enyimpa wɔ EWURADZE enyim.

Iyinom nye Noa no ho asɛm. Nna Noa yɛ nyimpa tseneneenyi na odzi mu wɔ n’ebusuasantsen mu: Noa nye Nyankopɔn nantsewee.

Na EWURADZE see dɛ, Mebɛsɛɛ nyimpa a mabɔ no no efi asaase enyi: nyew, nyimpa, nye mbowa nyinara; osiandɛ menu moho dɛ mayɛ hɔn.

Na ɔbaa dɛ nyimpa hyɛɛ ase dɔree wɔ asaase enyi, na wɔwoo mbabaa maa hɔn no, Nyankopɔn ne mba hun nyimpa mbabaa no dɛ hɔn ho yɛ fɛw; na wɔwarwaar hɔn mu dza wɔpɛ nyinara. Na EWURADZE see dɛ, Mo sunsum nnkɛnye nyimpa edzi aper daa, osiandɛ ɔyɛ honam ara. Ofi dɛm ber yi ne nda bɛyɛ mfe ɔha eduonu. Nda no mu no nna eso n’ekyir no, nna abran akɛse wɔ asaase do, osiandɛ ber a Nyankopɔn ne mba nye nyimpa mbabaa hyiae no, wɔwoo mba maa hɔn, woyinom nye tsetse etumfo no, nkorɔfo a wɔgyee dzin no.

Na Noa yɛɛ dɛ mbrɛ Nyankopɔn hyɛɛ no no nyinara pɛpɛɛpɛr.

Na Nyankopɔn see Noa dɛ, Abɔdze nyinara n’ewiei edu m’enyim; osiandɛ ɔnam hɔn do na ewurkadze ahyɛ asaase do ma; na hwɛ, mebɛsɛɛ hɔn nyinara nye asaase so.

Fa dua pa pam hɛn ma woho; yɛ adan wɔ hɛn no mu, na fa ihua tar no mu nye n’ekyir.

Na Nyankopɔn hwɛɛ asaase, na, hwɛ, asɛɛ; osiandɛ nyimpa asɛɛ no kwan wɔ asaase do.

Na fa honam nyinara mu adze a nkwa wɔ mu n’ahorow nyinara mu ebien ebien bra hɛn no mu, ma wonnya nkwa nka wo ho; fa hɔn onyin nye ɔber.