Popular Bible Verses from DEDI 6

શેર કરો

Ka halaera-nanyaka Nyuna ba mbàda wulu-nahaka dàngu ba na-bànjalu haka la pinu tana. Kanjupu halaya na etina

I MIRI naita-mayaka ba kanjupu akatu-mayaka na tau la pinu tana; mbuu ndàbana na kanandingu-da akatu mànu-ma-ayaka.

Na nyuna i Nuhu naliya na etina i MIRI.

Yiana-yaka na rukuna i Nuhu. Dadua haàtu da anana mini, i Hemu, i Yapitu dàngu i Hàmu. I Nuhu nda nawunda-a manjala, dàngu didi-ma-ayaka nyuna na tau hàmu la manggawa rehi nuna. Kadeki-mananya i Ala la lurina nyuna.

hi napanii, “Napa ku-pamolu-nya na tau na pa-padika-nggu, dàngumbu mbuu ndàbada da ma-hawurungu dàngu da banda hawiangu, nadu ba halaera-kika ba mbàda padika-nggunjaka,” wàna.

Tunaka nu ba na-bonjangu-ka padangu na tau dàngu ba na-tanyalangu-ka la pa-nggubulu awangu, dàngu ba dadedi-ka da anakeda kawini, tàka da tau da maana - ana Alaha ba daita-haka da bidi kawini ba da-manandangu. Nu ka kanoma-danjaka da bidi kawini da pambuha-da. Ka tungu-nanyaka liina i MIRI, “Nyungga nda ku-pahia-anyapa na tau ka naluri panga - ngalangu, nyuda pa-padikangu manda payatangu-ha, hi lupangu dameti. Piti welingu nàhu na malai lurida napa nda nahilu rihi-apa welingu la 120 ndaungu,” wànaka. La manggawa rehi nuna, dàngu la hambeli-na nuna, ninja da tau da mahama milimungga-ha la pinu tana. Nyuda nu wàla wuada da bidi kawini da ma-mangoma la tau da maana Alaha. Nuda da tau da mahama milimungga-ha jia-haka da ma-kaborangu bokulu da tau da mahunga tamuda la rehi la handàka-na.

I Nuhu nanunju hàla-maha mbuu ndàbada da pa-pareta-na i Ala lai nyuna.

Hàla tuu-nanyaka liina i Ala lai Nuhu, “Nyungga kubota-yaka la pa-panjàpu-ya na lurina mbuu ndàbana na pa-padikangu. Napa ku-pamolu karia-nja dàngu na pinu tana, nadu na pinu tana ba mbinu wàngu bia-nanyaka mbana etida nyuda.

Pandoi-wa kapalu ndumamu nyumu welingu la ai kalatungu, pandoi-manya kuru - kurungu-na hu daa, dàngu peri wànya teru la kuruna dàngu la hambeli-na.

Ba nailu-yaka na pinu tana paraïna i Ala, ma-akatu-ma-ayaka na paita-na, nadu mbuu ndàbana na tau ba na-akatu hàla na lurina.

Ngàndiwa daa la kapalu heu mini dàngu heu baina welingu la nimbihu ngara ma-hawurungu dàngu da banda hawiangu, ka àmbu damolu pa-kariangu.