Popular Bible Verses from Kejadian 3

શેર કરો

Asogo mo’gulesimu, at hwe ano en e, e ano il yethesi ’gal e, op modok oruakma yethesi. Asogo yethesirik, ogola en e, “E ai e’gen enede wo ebelerakma re, aphwami enebabut heberlonobua hegi o,” oluk epesirik, e e’gen ano ’balogo ne’geitik e, ado ogun wogesimu ne’geiyat.

At nenaik Allah Onuk Logo a’ge en e, wam, tue, ’baik, di a’ge yu a’ge e’gik erlak oruak walhesi a’ge ai ’berlegat e, we, enebabut weiyat sakhorak a’geat de, at ’gosu ai nak e, ebabut modok lagak-pagaktak o. Ebabut asogo lagak-pagaktakma no oluk e, hwe ano disogo mo’gulesi, “Hwe yu, Allah en e, His yabukmu e e’gen owi yogo a’ge eba ’berlegat e’gen nagup no yo, oluk, demat mo’gulhentesi a? Erlak a,” oluk hin wokhesi.

Hat emin, hwe yu emin, hemin hwerlisogo modok wiak oruakhwe, at en dogo’gwe a’ge emin, hat en dogo’gwe a’ge emin, enemin hwerlirak modok wolorogup o. Asogo welat at en dogo’gwe a’ge en e, hat ha’gul sagalogo wathobogwiam, hat hiak en is onoyuk o’gurl lebilenebise lorogunat o,” oluk mo’gulesi.

Asogo mo’gulesirik, at hwe ano disogo mo’gulesi, “Malik hogola agalat modok e’gin-pe’ginsogo taga loroguntik, malik ebe deriselat e, nonouk a’bik takpoluk en dakhwerlasu lerinogoluk mo’gulhegis o. Asogo a’geat de, hogun eragam welat, ebe he’birek nogosolom a’ge aga lemayat o,” oluk mo’gulesi.

Ye, hat hebe ’gwiang a’ge agauwak heli’gogo walhiegirikmu re, ’gwiang di e’gela yu e’gela ’baktaga lemagoluk yabuk herligisak a’bik weriselat, set wik-wiaksogo taga loroguntik, hebe waroroguntik togolik ’gwiangat aga lorogun o,” oluk mo’gulesi.

Asogo mo’gulesirik, ap ano disogo mo’gulesi, “Hat e, hugwe iak hweligentik e, E e’gen ai nagup, oluk wene ’balegis a’ge ano ne’gen ai o. Asogo tigen ai en, ’gwiang yu arat heman ’garoksogo pegi o. Yabuk set wik-wiaksogo wokho poluk en ’gwiangma a’ge herasogo nasu lorogun ani o.

Asogo mo’gulesimu at Allah en e, “Hat hage’golom welegen, ai sa en mo’gulhesimu. An en, E yu e’gen nagup, oluk mo’gulhentegis a’ge ano ne’genma ya?” oluk mo’gulesi.

Asogo lebigenebesirik, yabuk owi yogoma ano ebela ’gogumu eba o mo orlu ago hegit aphwami e e’gen no’gwiam enebe enelalugap enebiso a’ge ano edipmu ’gwi louwano oluk malaikat ’gela’ge ’garok odouk a’ge e’gat degin hogulat yegin hogulat, enebe eba enebesimu ’gagalak welegesa. Asogo welegesa ai en, aphwami logon en ’gogulat, e ai edipmu horoksogo lo modok mia o.

Asogo mo’gulesimu, hwe ano aphwami ’berlek eniayat ema ai en e, at Adam en ugwe ano onuk, “Hawa,” tualegei.