Popular Bible Verses from LUKAS 14

શેર કરો

”Nimi ben hnon ara nak yalanel bok, bera aljaʾ genong gek gom, aljaʾ neyung bek gom, alja gel gek gom, alja me nek gom, alja weisab ek gom, goma al nong unaʾ ak gom, hyak wanaʾ nong ulumla dara, alda nadya diriga bannya danggunumla.

Heknedya aljaʾ igin yakaʾ loboka, nak yanggananaʾ oroknya bera, alda nadya diriga bannya danggunumla.

Anasa, nim adya imik neneldalalanya bera, eimik sokok nenewanamla, bok sokok neneldalalanya bera, alak eimik era imik nenewanamla,” hyok.

Anya onoʾ Yesus adya dara, ”Anasonya neikek ugumba unuwanalum. Nimi ben hnon ugun gangganek ara, alda yokaʾ-yokaʾ nidyaʾ aljinya nek ara, loboka ubnenggunumla dara, alda nadya yuba doro diriga bannya danggunumla,” hyok.

Nimi ben hnon ugun gangganek ara, imik e sobnamna aboka dara, sobnesonya bera, rupiah ara hekbadya daso dara, or sobnesinya gom, sobnenggunusinya gom aboka, orowek gegewoka einiwanamso. Egomnaʾ ara seleb ikisodyok, e nong anyek pe sobdaknenggunumso dara, nimi nidyaʾ eibneseng nang edya dara, alak oksiyiwaneseng. Eibseng nang edya dara, Mabo, ban benera e son dara, sololabok, alda gokgoba loboka soldaknenggulumla! heneseng,” hyok.

Bok anda denaʾ masa youb lobnelam dara, denaʾ garan nimi hnon, henga lum nimi hnon, nonga heilimla nimi hnon, yana soruka mumdelemla nim enyek, denemab aboka e yanalam. Ban nang danadya dara, anak ara lunuwoka deknenggununjakaʾ anasa, anda pelelam. Anja sikenek pe unulusilimnya nera, nimi pe ulumak nim Imik Neyung adya embengaʾ suboka bukiyiwanasil sum enyek amba lunuwoka deknenggel,” hyok.

”Garam ara perob bok, angawom anaʾ anyek seleb denghesobok dara, saaboka angawom henemso de? Dara masa weboka men damba lulungaʾ anaba hnon, masa mesaʾ pen damba anaba, perob danggunumla. Alda unuwal bar aboka boloknaʾ ok boloklemak. Ugunda o yakaʾ ara, pe keblulum!” hyok.