Popular Bible Verses from LUKAS 9

શેર કરો

Le'baki anjo Nakanamo mae ri yangaseng tau niaka anjoreng, “Inai-nai ero' amminawang ri Nakke, musti nakaluppai rolong kaparalluang kalenna, musti napisangi salli'na allo-allo, nampa tuli amminawang ri Nakke.

Nasaba' inai-nai ero' angkatutui nyawana, iami latappela' nyawana. Mingka inai-nai angkoro'bangkangi katallassanna untu' kaparalluangKu, iami lanipasalama' katallassanna.

Nakanamo Isa ri anjo taua, “Punna appakkaramulamo taua appa'jeko, nampa assaile pole mae ri boko, tena nasiratang a'jari umma'Na Allata'ala.”

Nasaba' apa matu-matunna nakammai taua bonena anne linoa punna lapanraki siagang latappela'ji nyawana?

Inai-nai siri'-siri' angngakuiA' siagang antarimai pangngajarangKu, lasiri'-siri' tongi Ana' Ma'rupataua angngakui sallang punna battu siagang koasaNa, kammayatompa koasaNa ManggeNa siagang koasana malaeka'-malaeka' matangkasaka!

Appialimi Isa Nakana, “Kongkong romanga nia' kali'bonna, siagang jangang-janganga nia' ru'munna, mingka Ana' Ma'rupataua manna tampa' laNapanra'baia tena todong.”

Nampa Nakana ri ana'-ana' gurunNa, “Inai-nai antarimai anne anaka passabakkang iNakke, battuanna iNakkemi natarima. Na inai-nai antarimA', battuanna natarima tommi Allata'ala assuroA' battu. Nasaba' inai-nai kaminang tuna ri kau, iami kaminang la'biri'!”