Popular Bible Verses from LUKAS 17

શેર કરો

Nampa Nakana Isa ri anjo taua, “Ambangungko nai' siagang ammotere' mako. A'jari baji' mako lanri tappa'nu mae ri Nakke.”

Punna pintujui doraka ri kau lalanna siallo, natuli battu appala' popporo' ri kau nakana, ‘Pammopporanga',’ pammopporangi.”

Ri wattunna naasseng kalenna angkana baji'mi, nia'mo kalase'renna ke'nanga ammotere' a'rannu-rannu mammuji ri Allata'ala. Nampa mange ri dallekanNa Isa, anynyomba appala' sukkuru' ri Isa. Anjo taua tau battu ri pa'rasangang Samaria.

Jari tutu laloko! Punna doraka sari'battannu, pakaingaki. Punna nasassala'mo kalenna, pammopporangi.

Nakanamo Isa, “Sai nia' sampulo tau a'jari baji'? Kemaei anjo tau salapanga?

Appialimi Batara Isa Nakana, “Punna nia' tappa'nu manna sillompoja lisere'na sawi-sawia, akkulleko angkana ri anjo poko' kayua, ‘Ta'bi'bukko na nuattimbo ri tamparanga,’ mattantu lanapilangngeri kanannu anjo poko' kayua.”

Inai-nai ero' ampasalamaki katallassanna, iami latappela' katallassanna. Mingka inai-nai tappela' katallassanna, iami lanipasalama' katallassanna.

Nakana Isa mae ri ana'-ana' gurunNa, “Mattantu lania' apa-apa a'jaria passabakkang na'gau' dosa taua. Mingka cilakami tau a'jaria passabakkang! Bajikangangi punna nigentungi batu kallonna nampa nipela' antama' ri tamparanga anjo tau kammaya, kala la'jaria passabakkang na'gau' dosa kalase'renna sikamma anne tau ca'dia.

Mingka ri allo nipa'nyatana Ana' Ma'rupataua sallang, lakammai lampa-lampana ri wattu jammanna Na'bi Nuh. Langnganre angnginungi, siagang lasibunting-buntingi taua; iaminjo tuli nagaukang ke'nanga, sa'genna antama' Na'bi Nuh ri biseanga. Nabattumo a'ba lompoa, namate tallang ngasemmo ke'nanga.