Popular Bible Verses from LUKAS 14

શેર કરો

“Punna nia' tau battu mae ri Nakke, mingka la'bi nakamaseangi amma'na, manggena, bainenna, ana'-ana'na, sari'battanna ngaseng, yareka batangkalenna ba'lalo, takkulleai a'jari ana' gurungKu.

Inai-nai taeroka ampisangi salli'na namminawang ri Nakke, takkulleai a'jari ana' gurungKu.

Nasaba' inai-nai ampakalompoi kalenna, iami lanipakatuna, mingka inai-nai ampakatunai kalenna, iami lanipakalompo.”

Kala'busanna Nakanamo Isa, “Ikau kamma ngaseng tommako anjo. Tenanniakka manna sitau lakkulle a'jari ana' gurungKu, punna taerokako ambokoi ngasengi apa-apa niaka ri kau.”

Punna nia' kalase'rennu ero' ambangung balla' tinggi, tantu ammempoi rolong anrekengi siapa ongkoso' naparalluanga. Jari akkullei naasseng angkanaya maka ganna'ji doe'na yareka tena, sa'genna akkulle napa'le'ba' anjo balla' lanabangunga. Nasaba' punna le'ba'mo napakkaramulai napare' pundasina, mingka takkulleai napa'le'ba', anjo bangunanga, tena tanikakkalinna ri tau jaia ancinikai anjo jama-jamanga. Tena tanakanana tau jaia, ‘Idende', erottongi ambangung anjo taua, natakkullea napa'le'ba'!’

Jari punna langnganre-nganreko, undammi tu kasi-asia, tu sala-salanga, tu pesoka, siagang tu butaya. Lanibarakkaki mako, nasaba' takkulleai nabalasa' ke'nanga kabajikannu. Mingka laNabalasaki Allata'ala anjo kabajikannu ri wattunna napabangung poleang tau bajika battu ri kamateanga.”

“Anjo ce'laya bajiki; mingka punna a'jari la'bamo, maka lakkulleiji nipa'jari ce'la poleang? Mattantu tenamo matu-matunna. Takkulleami nipa'matu-matu ri kokoa yareka lanipare' panynyoppongi lamung-lamung. Jari lanipela'mami. Punna nia' tolinnu, appilangngeri mako!”