Popular Bible Verses from Yohanes 13

શેર કરો

Esigit diluk yogisasikesik nen, wene omanggi men yogisasike, “Kit nen kagako dogusak mende wene ngget mende omanggi yokisak, An nen kit kinaʼbuwa werek kak, kit esigit dilugat, kit-kit naʼbuwa-kaʼbuwarogo kagako dogoni o. Kit-kit esigit diluk naʼbuwa-kaʼbuwarogo kagako dogogun kalok, it akoni taʼbokogonat inilenggen ʼbikiyalok, It yi Yesus agoromi eberogonat kigi, yiluk inilu asugun o,” yiluk yogisasike.

Esigit diluk, an nebe kinewe Nendaganggok wene yanggul kisiligogo mende nen kit kiniyok obangge sobal kinaki kalok, kit nen esigit dilugat kit-kit kiniyok obangge sobal-sobal kagako dogusak o. Nen, an nen kit kagat kinaki eti kak, kit nen an nobabut waganogo esigit dilugat kagako dogobagik nen yiluk yanggul kisigi o.

at Yesus nen, men yogokike, “Nagot o. An kagaki yi, ebe ninggit diluk mende, kat konggodek mende, yabunggane nen kilu asigin o,” yiluk yogokikemo

Wene omanggi yi yokisak, Ap nggok omanggi inapma negen werek nggorlek, at anduwanengge mende nggok negen dogoligogo dek o. Eti kak, ap yonggo laʼbiligogo mende inapma negen werek nggorlegat, at yonggo liligogo mende eti nggok negen dogoligogo mondok dek o, yiluk eberogonat yokisigi o.

An nen wene yokisigi eti kinilu atluk kagako dogogun kalok, kinakla arlenggen kasi dogogun o.

Esigit diluk ilu dogolik, kimbiri nasi lagikesik ebe melagikesik nen, iyom ebe yugu mende nonggorlogo ʼbisikesik nen, su inoba i ambusu korigogo mende waganggikesik obake paga ʼbogukogo yikike. Esigit diluk yisikesik, i loyang oba nggelelogo nggola ʼbisikesik nen, at agoromi ane waganggo laguka mende yomenogo iniyok oba sobalogo nen, su obake paga ʼbugukogo yikike etnogo paga i ambusu korinabik lagike.