Popular Bible Verses from YAHYA 17

શેર કરો

Kandad̄i to'ipu siad̄oho ntau rakalai b̄a Ama kai ncai lampa rawi mapoda; nggahi ra eli Ama edeku lampa rawi mapoda.

Akeku mori masapodakaina ro ma'ederahid̄i; loakud̄u dou mapata Ama, sab̄uampa Ruma Hatalla ma poda, ro mapata Ruma Isa Al Masih ranggadu b̄a Ama.

Laina d̄i ru'u b̄a siad̄oho mpoa Mada do'aku. Mada do'a d̄iru'u b̄a dou-dou ma imbi d̄i Mada b̄a nuntu ra nggahi b̄a siad̄oho ake. Mada maraho nemba Ama, loakud̄u siad̄oho sara'ana mandad̄i sab̄ua, b̄une Ama masab̄ua lab̄o Mada, ro Mada lab̄o Ama. Raho-raho to'impa siad̄oho ndad̄i sab̄uana lab̄o Ndaita loakud̄u dunia imbina b̄a one Ama ma ranggadu Mada.

Mada wati rahoku loakud̄u Ama maweha siad̄oho d̄i ade dunia ake, pala raho b̄a Mada loakud̄u Ama majagana siad̄oho rad̄i La Madab̄ae.

Mada wa'ura mbeiku siad̄oho d̄ese ra ntasa rambei b̄a Ama d̄i Mada, loakud̄u siad̄oho ndad̄i sab̄uana, sama b̄une Ndaita masab̄ua rau; Mada lab̄o siad̄oho, ro Ama lab̄o Mada; loakud̄u siad̄oho poda-poda sab̄uana. Ndad̄i dunia d̄imab̄ade b̄a one Ama ma ranggadu Mada, ro b̄a one Ama mameci ra ca'u siad̄oho b̄une Ama mameci ra ca'u Mada.