Popular Bible Verses from YAHYA 14

શેર કરો

Taho ra ntai d̄i wi'i b̄a Nahu d̄i nggomid̄oho. Taho ra ntai ndai Nahu d̄i mbei b̄a Nahu d̄i nggomid̄oho. Rambei b̄a Nahu ede laina b̄une rambei b̄a dunia d̄i nggomid̄oho. Aina darura ademu, aina dahu.

Cambe b̄a Ruma Isa, ”Nahuku ncai d̄ipatakai Ruma Hatalla ro d̄irakakai mori. Wati kone sab̄ua dou rau maloa mai d̄i Ama, nggara watisi kai ncai Nahu.

”Aina darura mena ademu,” nggahi Ruma Isa d̄i siad̄oho. ”Imbipu d̄i Ruma Hatalla, ro imbi raupu d̄i Nahu.

Pala Roh Allah, Mabantu d̄i nggadu b̄a Ama kai ngara Nahu, Siaku d̄imangoa ra tei nggomid̄oho sara'ana ro d̄imakawarana nggomid̄oho d̄i sara'ana ma wa'ura ngoa b̄a Nahu d̄i nggomid̄oho.

Dou ma tarima rakaukai b̄a Nahu ro makarawina, siaku ma meci ra ca'u Nahu. Ama-Ku d̄imameci ra ca'una dou ma meci ra ca'u Nahu. Nahu rau d̄imameci ra ca'u dou ede ro makatada weki Nahu d̄i sia.”

Nahu d̄imaraho d̄i Ama, ro Sia d̄imambeina d̄i nggomid̄oho Mabantu makalaina, d̄imangge'e sama lab̄o nggomid̄oho santoi-ntoina. Sia eded̄u Roh Allah d̄imakatadana mapoda mab̄oha Ruma Hatalla. Dunia wati loana tarima Sia, b̄ara wati eda atao pata-Na. Pala nggomid̄oho mapataku Sia, b̄ara Sia mangge'e sama lab̄o nggomid̄oho ro d̄imandad̄i sab̄ua lab̄o nggomid̄oho.

Ro au-au raraho b̄a nggomid̄oho kai ngara Nahu, ede d̄i karawi b̄a Nahu d̄i ru'u b̄a nggomid̄oho, loakud̄u Ama d̄i kad̄ese ra kantasa kai ncai Ana. Au-aura raho b̄a nggomid̄oho kai ngara Nahu, Nahu d̄imakarawina.”

”Nggara nggomid̄oho mameci ra ca'u Nahu, nggomid̄oho makarawiku raparentakai b̄a Nahu.

D̄i uma Ama-Ku mboto hid̄i ngge'ekai. Nahu laoku ta aka d̄imasadia weamu hid̄i d̄i ru'u b̄a nggomid̄oho. Nahu wati d̄imanggahi ndede d̄i nggomid̄oho, nggara watisi ndad̄i ndedena.

Sawa'u b̄a lao sadia wea b̄a Nahu hid̄i d̄i ru'u b̄a nggomid̄oho, Nahu d̄imamai mbali ro weha aoku nggomid̄oho, loakud̄u tab̄era warakai Nahu, ta ede rau warakai nggomid̄oho.

Edempara nggahi la Tomas d̄i Ruma Isa, ”Ruma, madad̄oho wati b̄adeta tab̄eku d̄i laokai Ruma, b̄uneku d̄i b̄adekai b̄a madad̄oho ncaina?”