Popular Bible Verses from YAHYA 10

શેર કરો

Dou mampanga mai b̄a ne'ena mpangampa, d̄imahade dou, ro d̄imane'e ka'iha mawara. Pala Nahu maiku loakud̄u manusia raka mori maremba poda.

Nahuku ompu jimba ma taho. Ompu jimba ma taho nambeiku nawana d̄i ru'u b̄a jimba-jimbana.

Jimba-jimba-Ku nakade'eku eli Nahu. Nahu kapata-Ku siad̄oho, ro siad̄oho nab̄atuku Nahu.

Nahu mambei siad̄oho mori masapodakaina ro ma'ederahid̄i, ro d̄i ru'u santoi-ntoina siad̄oho wati d̄imaleli. Wati wara kone sab̄ua dou maloana weha rampa d̄i rima Nahu.

Nahura tad̄a. Cou-cou malu'u kai ncai Nahu d̄imasalama; sia lu'u losana ro narakaku d̄i ngaha ra nonona.

Nahura ompu jimba ma taho. Sama b̄une Ama mapata Nahu ro Nahu mapata Ama, ndede rauja Nahu mapata jimba-jimba-Ku ro siad̄oho rau napataku Nahu. Nahu kad̄onggo nawa-Ku d̄iru'u b̄a siad̄oho.

Ama-Ku, ma wa'ura mbeina siad̄oho d̄i Nahu, mancewi ese rad̄i samenana. Ro wati wara kone sab̄ua dou maloana weha rampa siad̄oho d̄i ade rima Ama. Nahu ro Ama eded̄u sab̄ua.”

Nahura ompu jimba ma taho. Sama b̄une Ama mapata Nahu ro Nahu mapata Ama, ndede rauja Nahu mapata jimba-jimba-Ku ro siad̄oho rau napataku Nahu. Nahu kad̄onggo nawa-Ku d̄iru'u b̄a siad̄oho.

Wati kone sab̄ua dou maloana weha rad̄i Nahu. Nahu mad̄onggo kai rakane'e ndai-Ku. Nahu mantau kuasa d̄imad̄onggona, ro mantau kuasa d̄imaweha mbali. Edeku taki ra puta ratarima b̄a Nahu rad̄i Ama-Ku.”

Ndad̄i nggahi Ruma Isa sakali wali, ”Ncihi poda nggahi Nahu ake: Nahura tad̄a ncai d̄i ru'u b̄a jimba.

Dou ra'ufa ma laina ompu jimba ro lai rauna dou mantau jimba-jimba ede, d̄imarai tu'u wi'i jimba-jimba, nggara na'edasi b̄a sia lako doro mamai. Edempara jimba-jimba ede nakumpa ro nakambari mburaku b̄a lako doro.

”Nancihi podaku nggahi Nahu ake: Dou ma lu'u ade uma jimba kai nggoncuna kuta, ro wati lu'una kai tad̄a, pala nalu'uku d̄i ncai makalai, dou ede dou mampanga ro dou maparampo.