Popular Bible Verses from Lukasi 17

શેર કરો

Hangko ionoꞌ, nauliꞌ wopiꞌi Iesu i tauna iti, “Ánti pepoináláimu i Kódóꞌ, haneꞌikoꞌ mauriꞌ, mewaliꞌ meángkáꞌmokoꞌ, hai mesuleꞌmokoꞌ.”

Ane halalumi mobábehi salaꞌ i kómu, kehapiꞌ miꞌi pitu kánina i lalu hangaloá, hai pitu woꞌo kánina lao membiáꞌ ámpu i kómu, hangaa-ngaa niámpungi.”

Hadua hangko i oloꞌraꞌ tauna to hampuloꞌ iti, i kanaisána kamauriꞌna miꞌi, ia mesuleꞌ lao i Iesu, haneꞌi nauliꞌ napasimbuku, “Kutóiá miꞌi Pueꞌ Ala, láwiꞌ mauriꞌmoꞌ!” Ia molingkudu motóngkóꞌ i bitina Iesu, hai manguliꞌ handaꞌ kamaroꞌana i Hia. Tauna iti ia miꞌi hadua toSamaria.

Onoꞌ miꞌi haneꞌi hangaa-ngaa maroꞌa-roꞌakou mokámpái bábehiámi haduduámi! Ane halalumi mobábehi salaꞌ, hangaa-ngaa nikámbáróá. Hai ane tebáliki miꞌi laluna, hangaa-ngaa niámpungi.

Roo onoꞌ, nauliꞌ Iesu i upu-upu tauna to meuláꞌ i Hia, “Tiꞌaraheꞌ paꞌi hampuloꞌ to Kupakauriꞌ? Iumbámoheꞌ rángána to hahioꞌ?

Nahániki Iesu, “Ane rápáꞌna ara miꞌi pepoináláimi, kehapiꞌ nodo peá kamahilena lihu duiꞌá, peisá nihángáꞌá kau to mahile deꞌe, ‘Ee, kau! Marebuꞌmokoꞌ hangko i katueꞌámu, hai melimbákoꞌ i tahiꞌ!’ hai bateꞌna ina mewaliꞌ hintotoꞌ hai hawaꞌmi.”

Heáná peá to moundeꞌ mopári-pári mampelae katueꞌna, ia tiꞌara ina molámbiꞌ katueꞌ to maroꞌa to tiꞌara mokahópóꞌá, hai heáná peá to mate ánti pepoináláina, ia ina molámbiꞌ katueꞌ to maroꞌa to tiꞌara mokahópóꞌá.

Roo onoꞌ, nauliꞌ Iesu i topeguruNa, “Tauna bateꞌna ina rakeloꞌ bona madósá, agáiáná hurewuꞌ ntepuꞌuheꞌ tauna to mopaꞌara pekeloꞌ iti! Ina rumihi pehuku to nalámbiꞌ hangko i Pueꞌ Ala. Rángina miꞌi hambuaꞌ watu pogiliá to mahile ratóe i tambólóna hai ia ratibe i lalu tahiꞌ, haneꞌi mopakanawoꞌ hadua tauna to tiꞌara maróhó pepoináláina, álána tiꞌara piꞌi mepoinálái i Kódóꞌ.

Apa to mewaliꞌ hangkoia i tempóna nabiꞌ Noho tueꞌ mani, ina mewaliꞌ woꞌo i alo kahaweꞌána huleꞌ Ánáꞌ Mánusiá. I tempóna nabiꞌ Noho, tauna mampomaleꞌaheꞌ, tiꞌara raisá apa to ina merampe. Mandeꞌ hai mainuheꞌ oaꞌ, mosambokoheꞌ hai mosusaheꞌ. Noꞌonoꞌ katueꞌraꞌ duuꞌna haweꞌ tempóna nabiꞌ Noho mesuaꞌ i lalu duanga to mahile. Hangkaꞌ-hangkaꞌ perái, upu-upuheꞌ nalábóꞌ uwai hai mate humpu.