Popular Bible Verses from Iohane 5

શેર કરો

Toꞌu ntepuꞌu laluitaNgkuꞌ deꞌe: heáná peá to mampehádingi laluitaNgkuꞌ hai mepoinálái i Pueꞌ Ala to mohuoꞌAꞌ mai, molámbiꞌmoheꞌ katueꞌ to maroꞌa to tiꞌara mokahópóꞌá. Tiꞌarapoheꞌ molámbiꞌ pehuku láwiꞌ tiꞌarapoheꞌ nodo tauna to ina mampolumaoi kapate, ngkáliꞌna riꞌi mantepuꞌumoheꞌ molámbiꞌ katueꞌ to maroꞌa to tiꞌara mokahópóꞌá.

Kanaitána Iesu tauna iti maturu-turu ionoꞌ, hai Naisá woꞌo kamaruena miꞌi paluꞌ, Ia mekuneꞌ, “Nuꞌundeꞌ paꞌi bona nubuku molumao?”

Pakakou mampegurui Sura Magasaꞌ, láwiꞌ nipekiri ane mampeguruikou Sura Magasaꞌ iti, ina nilámbiꞌ katueꞌ to maroꞌa to tiꞌara mokahópóꞌá. Mole Sura Magasaꞌ iti mopakanótó kaheánáNgkuꞌ. Agáiáná kehapiꞌ noꞌonoꞌ, tiꞌara mani niundeꞌ mai i Kódóꞌ bona molámbiꞌkou katueꞌ to maroꞌa to tiꞌara mokahópóꞌá.

Nauliꞌ Iesu, “Meángkáꞌmokoꞌ, nulóló miꞌi aleꞌmu hai molumaomokoꞌ.” Tempó onoꞌ woꞌo, nalalu mpuꞌu miꞌi tauna iti, haneꞌi molóló aleꞌna hai molumao. Pewaliꞌána iti i alo Satu, alo penómbáꞌáraꞌ toIahudiꞌ

Hangko ionoꞌ, Iesu mopakanótó i tadulakoraꞌ toIahudiꞌ, Nauliꞌ, “Toꞌu ntepuꞌu laluitaNgkuꞌ deꞌe: katoꞌuána kehapiꞌAꞌ Ánáꞌna Pueꞌ Ala, tiꞌaraꞌAꞌ peisá mobágóꞌ mouláꞌ peundeꞌáNgkuꞌ haduduáNgkuꞌ ane tiꞌaraꞌAꞌ moita apa to Nabábehi UmáNgkuꞌ, láwiꞌ bateꞌna iti miꞌi to Kupobágóꞌ. Apa to napobágóꞌ UmáNgkuꞌ, iti miꞌi woꞌo bágóꞌKuꞌ, láwiꞌ Kódóꞌ ÁnáꞌNaꞌAꞌ.