Popular Bible Verses from Iohane 16

શેર કરો

Upu-upu deꞌe Kuhángáꞌámokou bona molámbiꞌkou katinda lalu hangko i pohintuwuꞌmi hai Kódóꞌ. Tangaꞌmi mani i duniáꞌ deꞌe, bateꞌna rapopeahiahiꞌkou. Agáiáná nipakaróhó lalumi, láwiꞌ Kunangi miꞌi kuasaꞌ to kadake to ara i lalu duniáꞌ deꞌe.”

Ane haweꞌ miꞌi Inao to Magasaꞌ, Ia miꞌi to ina moteteꞌkou hai mampopaisáꞌákou upu-upu paturoꞌ to toꞌu. Ia tiꞌara ina molaluita mouláꞌ pekiriNa haduduáNa. Apa to Nahádi hangko i UmáNgkuꞌ, iti miꞌi to ina Napahaweꞌákou. Hai Ia ina mopahaweꞌákou apa to ina mewaliꞌ i alo to ina haweꞌ.

Duuꞌna deꞌe-deꞌe, tiꞌara manikou membiáꞌ apa-apa i lalu hangaꞌKuꞌ. Hangaa-ngaa nipembiáꞌ oaꞌ, hai ina nitarima bona góeꞌ ntepuꞌukou.”

agáiáná katoꞌuána, ina molámbiꞌkou rasiꞌ ane pohuꞌAꞌ, láwiꞌ ane tiꞌaraꞌAꞌ pohuꞌ, tiꞌara ina haweꞌ Topetulungi, ia miꞌi Inao to Magasaꞌ. Agáiáná ane pohuꞌAꞌ, Ia ina Kuhuoꞌ mai i kómu. Ane haweꞌ miꞌi Inao to Magasaꞌ iti, Ia to ina mopakanótó i tauna kamadósáraꞌ láwiꞌ Ia ina mopatongawaꞌ woꞌo kamanótóNgkuꞌ hai mopakanótó pehukuna Pueꞌ Ala.

Noꞌonoꞌ woꞌo kómu: deꞌe-deꞌe masusa lalumi {láwiꞌ Kuꞌuliꞌ ina pohuꞌMoꞌ}. Agáiáná ina Kupohidupaꞌá wopakou. I tempó iti, ina góeꞌkou huleꞌ, hai tiꞌara ara to peisá moala kagóeꞌmi iti hangko i kómu. I tempó iti, tiꞌara piꞌi paraluu nipekuneꞌ ba apa-apa i Kódóꞌ. Peisámokou mekuneꞌ haduduámi i UmáNgkuꞌ. Noꞌonoꞌ woꞌo ane membiáꞌkou, peisámokou woꞌo haduduámi membiáꞌ i UmáNgkuꞌ i lalu hangaꞌKuꞌ, hai bateꞌna ina Nabukeki pembiáꞌmi iti.

Toꞌu ntepuꞌu laluitaNgkuꞌ deꞌe: ina teriaꞌkou, agáiáná tauna to tiꞌara mepoinálái i Kódóꞌ, ina góeꞌ ntepuꞌuheꞌ. Ina masusa lalumi, agáiáná kamasusami iti ina tebáliki mewaliꞌ kagóeꞌmi.