Popular Bible Verses from Zɔ̃̀ɔ̃́ 14

શેર કરો

“Zò-yà-gé tóò lɛ ka píé zèe. Maà m dìè zì zò-yà-gé nɔ ka lɛ̀ɛ. M̀ḿ gbaa nɔ ka lɛ̀ɛ kpóṹ là zì pɛ-nɔ̀-mia-lɛ̀ɛ zì ká. Yékɛ̀ ká tó ka zò é ka fɔ̃̀ã̀-fɔ̃́ã́ kɛ. Yékɛ̀ ká túó.

Zízɛ̀ a gèe à lɛ̀ɛ kélɛ̀, “Ma lɛ́ m zía, e bɛ̀i, wánà-wɔ̃̀ ɛ̃́ɛ̃́ kɛ̀ɓe káa. Mi gbɛɛ lɛ̀ɛ́ bɛ̀i ɓɔɔ̀ mia Dàa mɔ̀, yé lɛ̀ɛ́ kpɔ́ nɛ́ m làa ká.

“Yékɛ̀ ká tó ka zò é ka fɔ̃̀ã̀-fɔ̃́ã́ kɛ. Kà ka zò dɔ Wálà mɔ̀, ká ka zò dɔ ma bɛ̃̀ɛ̃ m mɔ̀ nɔ́ kíli.

Gbũ̀-ka-mɔ̀-mì, lɛ́ e Gɛ̀ɛ̀ Púlú lɛ́ mia Dàa è lo à vɔɔ̀ m tɔ́ yí ka píéa, lɛ́ɛ̀ lo pɛ séĩ́ zɔ̃̀ɔ̃̀ ka lɛ̀ɛ, ɛ̃́ɛ̃́ lɛ́ɛ̀ lo ka zò vùò wɔ̃́ séĩ́ lɛ́ maà à gèe ka lɛ̀ɛ ká.

“Mi lɛ́ wɔ̃́ lɛ́ maà gèe à lɛ̀ɛ á kɛɛ lɛ à kɛ̀lɛ̀, tó áà kɛ̀ɛ, à ye lɛ́ m lɔ̀ kpɔ́ɔ̀ lɛ à mɔ̀ɔ. Mi lɛ́ m lɔ̀ kpɔ́ɔ̀ lɛ à mɔ̀ɔ, à lɔ̀ lɛ́ɛ̀ lo kpɔ́ɔ̀ m Dàa mɔ̀. À lɔ̀ lɛ́ɛ̀ lo kpɔ́ɔ̀ ma bɛ̃̀ɛ̃ m mɔ̀ nɔ́ kíli, ɛ̃́ɛ̃́ ḿm̀ lo m dìè wɔ̃̀ zɔ̃̀ɔ̃̀ à lɛ̀ɛ.”

Ḿm̀ lo mɛ́ĩ́ ɓoò m Dàa lɛ̀ɛ, ɛ̃́ɛ̃́ lɛ́ɛ̀ lo Gbũ̀-ka-mɔ̀-mì doó nɔɔ̀ ka lɛ̀ɛ zeĩ́. Mí e kília lɛ́ e Gɛ̀ɛ̀ Púlú wánà zɛ̀ɛ káa. Lɛ́ɛ̀ lo kɛɛ̀ ka píé tòá kíli ká. Kpóṹ là lɛ̀ɛ́ bɛ̀i à sɔ̀lɔ̀ ɓoò. Ƃii kpóṹ là lɛ̀ɛ́ à gɛ̃̀, ɛ̃́ɛ̃́ lɛ̀ɛ́ à dɔɔ mɔ́ɔ̀ wɔ̃̀ mɔ̀. Kɛɛ ka yee, káà à dɔ, ɓii lɛ ka píé, ɛ̃́ɛ̃́ à yàlà kṹũ̀ lɛ ka yí.

Pɛ nɔ́ɔ fé lɛ́ kà pɛ̃ m tɔ́ yía, ḿm̀ lo à kɛɛ̀ ka lɛ̀ɛ. À kɛɛ̀ lɛ́ɛ̀ lo kɛɛ̀á kíli, kɛɛ mia ó mia Dàa ɓɛ zì kɛ̀-kpànazɛ̀-kɔ̀ gɛ̃̀ à Gbe ɓɛ yí. Ká pɛ nɔ́ɔ fé pɛ̃̀á m mɔ̀ m tɔ́ yía, ḿm̀ lo à kɛɛ̀ ka lɛ̀ɛ.

“É kɛ̀á m lɔ̀ kpɔ́ɔ̀ lɛ ka mɔ̀ɔ, káà lo wɔ̃́ lɛ́ m̀ gèe ká kɛɛ kɛɛ̀.

Yàlà-pìà lɛ m Dàa píé kɛ́ì gbùò. M lópìà kɛ ḿ lɛ̀ dò pɛ̀ kɛ ka lɛ̀ɛ. È kɛ̀á wɔ̃́ e kéa ye wá kília, m̀ḿ gɔ̃̀ à gèeè ka lɛ̀ɛ.

Yé maà ló, lɛ́ maà lɛ̀ pɛ̀ kɛ ka lɛ̀ɛ, ḿm̀ lo nuù m mɛ̀ĩ́ zeĩ́, tó m ka sí m dìè lɛ̀ɛ, kɛ ká kɛ lɛ̀ lɛ́ m yía mɔ̀.

Tɔ́mɔ̀ a gèe à lɛ̀ɛ, “Ko Dàa-mì, kòó lɛ̀ lɛ́ ì lo yía dɔ. Zi sùu kpɛɛ̀ lɛ́ kò bɛ̀i à mɔ̀ kó zi lɛ́ è lo yía dɔ à ká?”