Popular Bible Verses from Jɔ̀ɔ̌n 16

શેર કરો

Ě tmɛɛ̌ a noǎ wùɛǒ lo ɛ̈ di ɛɛ numa a mǐ ně bo wnawna kɔn klěě mǒ. È klě kmɔ̌ wlòmo a mi dɛɛ wan le popa fòfoa jěba, kɛɛ a kɔn kponkpɛ, Ě du kmɔ̌à ɛɛ kpě wan.”

Bɛ̌ nu bo kàan tè le boɔ Sùsu Bɛ̌ diě, Nɛ̀ miě a kàan noǎ wùɛǒ slè naema, Ɛ se Ɛɛ chɛ̀ɛ tè kɛn boɔba mu, kɛɛ tè Ɛ wɔ̌nʼɔ nì Ɛ mi boɔba. Ɛ mi a noǎa tè je tùba ï miǎ lěe diba.

Sɔɔnʼě tǐǒ wlòmo bò jɛ tǐà a sěɛlǎ dɛ wan gbɛ̀ klě Ně nynɛ̌ wlòmo. A sòa dɛ klě Nyesoa mɔ̀, Ɔ mi ɛ a nyema, è aa chǒn miě le jieěba.

Kɛɛ kàan tèà Ě tmɛɛ̌ amo, bɛ̌ nu Bo mu, ɛ mi kàan dɛ numa keǒ a mɔ̀. È bɛ̌ nu Boǒ se mu, Wlò Wlòmo Ble Tùɔ̌ slě diba mu kělɔ a mɔ̀. Bɛ̌ nu Bo mu, Ě mi Ɔ dboba kělɔ a mɔ̀. Bɛ̌ nu Bɔ̌ diě, Nɔ̀ mi kmɔ̌ɔ nyopò tè le jbooba keǒ dɛ kukǔ mɔ̀ plě klee jebo siǐan keǒ Nyesoa jemǒ plě klee Nyesoaa blilǐ tùtuɛ.

Dɛɛ doǒ nɛ̀ ɛ mono, a mi wɔle le numa klě tǐà wlòmo, kɛɛ Ě mi a jěba de, è aa wlè mi chǒn je le jǐba, è nyu wùɛ se a chǒnʼǒ kwa sàba mu. Klě chnɛ̀ jlǒ waěǒ wlòmo a seǎ dɛ wan gbàba muu kɛ̀. Kàan tèà Ě boɛ a je, Ně Gbeǐ mi a dɛ wùɛ nyema ɛ̈ a gbɛ̀ɛ wan klě Ně nynɛ̌ wlòmo.

Kàan tèà Ě tmɛɛ̌ amo, bɛ̌ nu Boǒ kǒ, a mi fìnma a mǐ sònwɛ chìn, è kpni kukwǐ nyo mi chǒn le numa klě ɛmo tǐǒ wlòmo. Wɔle mi a je jǐba klě tǐ gbei wlòmo, kɛɛ aa wɔle le nunuɛ mi chǒn mǒ ponpnɔɔma.