Popular Bible Verses from Jɛ́nɛ́sì 24

શેર કરો

Hwɛ̀ ké ɔ ɓaà ma, ké ɔ ɖá, “Óó, Bounɓo, mɔ̀ mɔ̀à ní gbo-nì-ɓǎ Ééɓòɖòhɛ̃́ɛ̀ Gèɖèpɔ́ɔ̀ kɛɛ, ní ɓaà m̀ ní, nyí ḿ mana ɓó zɛ̃̌ɛ̀, ɓɛ́ m̀ ké ní gbo-nì-ɓǎ Ééɓòɖòhɛ̃́ɛ̀ jĩ́á-jè dyí nyu.

Ɔ jǔ ké wa dyi nyini ní, nìí, màa-dyù gmɔ̀ɔ̀ nyɔ ní muɛ gbo cɛ̃ìn, ɓɛ́ ḿ ké níiń, ‘Ní ɓaà m̀ ní, zà nì ní-dyààɔ̀ kɔún, ɓɛ́ ḿ ké ní ná,’ ké ɔ mu wɔ̃́ùn, ɓɛ́ ɔ ké níiń, ‘Ná ní, ké ní mu nì sǒ-nì-gbu-kɔ̃ún ɓěɔ̀ ní nyíìn ɖekèɛɛ,’ ɔ mɛ mɔ̀ nyɔ ɓɛ́ m̀ ɖǎ gã ɓó nì gbo-nì-dyù Áázè bììɛ. Dyììn ɖé ɖɛ nìà kɛ múɛɛ, ní muɛ dyí dyuòùn kà ɓɛ́ m̀ ɖǎ ní gbo-nì-ɓǎɔ̀ jĩ́á-jè dyí nyuɛ.”

Hwɛ̀ ké Áázè dyà ma Wìɖìbɛ́kɔ̀ ɖé ɔ ɖe Seɖɔ́ɛ̀ jàɖàìn-gbòɔ̀ mú. Ké ɔ kpɔ̃ ma ɔ dyi, ké ɔ mɔ̀ ma ɔ gmàà. Ké ɔ ɖɛ̀ɓɛ̀ ma ɔ mú. Hwɛ̀ ké Áázèɛ̀ hwòɖǒ dèǎ ma dyi sɔ̀ìn ɓó ti ɔ ɖe ɖǎ zɔ̃̌ɔ̀ mɛ́ kɛ.

Ké wa po ma Wìɖìbɛ́kɔ̀ mana kɔ̃, ké wa ɖá, “À ɖíí-màà, nì mu dúún zaìn, ɓɛ́ m̀ ké nyɔ táázĩ̀ìn deìn táázĩ̀ìn kɔ̃in jǔ. Ké nì xwíníín-dyù ɓě mu waà mú-nyɛ́-nyɔ̀ ɓěɛ̀ hwɔɖɔ ɓě wuɖuí kɔ̃̀ùn.”

Ní mɔ́ ɓɛ́ m̀ ké wuɖu ɖi ɓó Bounɓo Gèɖèpɔ́ɔ̀ kɔ̃̀à dyɔɔ̀ kè ɓóɖó-kpàà wuɖuíɛɛ dyúa kà ɓɛ́ m̀ se ní dyú-gààɔ̀ nyɔ́nɔ́ nɔ̄ Kénà-nyɔ̀ ɓě kɔ̃̀ hwìɛ̀ ḿ cĩ́à kɛɛ dyú-màà ɓěɔ̀ hwìɛ̀ zàǎ muɛ, kɛɛ kà ɓɛ́ nì mu ɖé ḿ ɓíɖí muùn ɖé ḿ mìɔùn nììn nyɔ ɓěɔ̀ gbo, ɓɛ́ m̀ ké ní dyú-gàà mɔ̀à Áázè kɛɛ nyɔ́nɔ́ ɖé zà kɛ.”