Popular Bible Verses from Jɛ́nɛ́sì 11

શેર કરો

Ké ɔ ɖá, “Dyéɛ, kà ɓɛ́ wa mɔ̀à nyɔ dyúáɖò, ké wa poà wuɖu dyúáɖòɛ, ké wa ɖǎà ɖɛ nìà kɛ nyuɛ gbɔ dèɛɛ, nìí, ɖɛ ɓɛ́ wa sɔ́ dyíɛɛ ɖò se mú kàmàǎ mu ɓɛ́ wa ké seɛ nyuɛ ɓɛ́ìn. Ɔ jèɛɛ, ɓěà mɛ ge waà wuɖuɔ̀ mú, ɓɛ́ wa ní kɔ̃̀ ɖà wuɖuún dyi wɔ̃́ìn ɖe.”

Hwɛ̀ ké wa ɖá, “Ɓěà dè hwɔɖɔ vɛ̀nɛ̀ ɖò, ɓɛ́ ɓěà ké ɖé gbǒ vɛ̀nɛ̀ tɔ̀mɔ̀ dya ɖò po, ɓɛ́ ɔ ké ɖé dyɔún nyini, nìí ɓɛ́ dyììn ɖéɛ múɛɛ, ɓěà ké nyɛ́nɛ́ nyu ɓó ɓěà mìɔùn bìì. Ɓěà mɛ nyuɛ náa, ɓɛ́ ɓěà ní kɔ̃̀ ɖà ɓóɖó-kpà gànáɔ̀ kɔ̃in gbɛ̀ìn.”

Ɔ kɔ̃̀ jè wa jǔìn ma hwɔɖɔɔ̀ Béɓò-nyɛ̀nɛ̀ kɔ̃̀ xwíníín mɔ̀à mú-ge-ge kɛ, sepóɛɖé ɓóɛ̀ Bounɓoɔ̀ ge ma nyɔ séín nìà ɓóɖó-kpà gànáɔ̀ kɔ̃ɛɛ wuɖuɔ̀ mú, ké wa gbɛ̀ìn ma ɓóɖó-kpàɔ̀ dà séín dyi.

Nyɔ séín nì ma ɓóɖó-kpàɔ̀ kɔ̃ɛɛ po ma wuɖu dyúáɖò kĩ́ín.

Hwɛ̀ ké Bounɓoɔ̀ dyi ma ɓíɖíi, ɓɛ́ ɔ ké hwɔɖɔ vɛ̀nɛ̀ ɓɛ́ wa ɖǎ ma kà dèɛ kè gbǒ vɛ̀nɛ̀ tɔ̀mɔ̀ dya ɓɛ́ wa ɖǎ ma kà poɛɛ dyé.

Púɛɛ, Bounɓoɔ̀ ge ma waà wuɖuɔ̀ mú, ké wa ɓɔ́ ma hwɔɖɔɔ̀ poɛ. Ké wa gbɛ̀ìn ma ɓóɖó-kpàɔ̀ dà séín dyi.