Popular Bible Verses from Ioane 12

શેર કરો

Ina dubu nou mo omotoiwa, nou mo dooudo mo’uro wia mo emidio batii mo hiwaa mere nouowa wamidioi, ina dubu nou mo omotoiwa dubu nouri mo Abearo nou pai aiwawai.

Dubu nou himia kiiro nou auwo niroi doo nou aiwatoai wia dubu batibatinu nouowa nou himia kiiro oriha eauriwa nouro kiiro karaeito aiwahidioi.

Naiheha, naiheha mo rioido ainaro, ina koni mate nou hopu gorowa omoa biahai naiba oihiai biahai nou gauwoha o’awa; ina nou oihiaiwa, nou iopu godogodo aiwaimo‐haudioi.

Mo tau no’uro pida na’u aibo batibati auwohawa, ina dubu nou mo araromodiowa nou duriiwa emidio raihe.

Ina dubu ataro mo wade irovidiowa wia nouro idodiai biahai, moro nou owotoi raihe mabu nouri mo batibati iwotoi ko’u biahai, mo batibati itouti no’uro.

Ina Maria na’u keke mibo modobo diomo, paina Sipaikena, naibaha emidairo; nouri diomo nou moni godogodori, wia Iesu konowa naibaha adiri wia nou kono nou himia hooboito naibaha ipiti wia moto diomo niboro aiaraouti.

neiio goata paha aibo na’i naibaha imidaumo wia nei naibaha orowohuoumo nou omotoimoi, ina nei viro naibaha iauwoidiowaumo: Hosana, niainiai dubui nouri, Pai‐dubu painawa nou airo’uro; nouri Isaraela Pai‐duburi.

Wia Iesu neitido naibaha imowameaimama naiba iaowa: Hiwio’i tau o’uro ina Oubiha‐mere nou pai aiwaiti.