Popular Bible Verses from ɛYohana 6

શેર કરો

ɛYɛso gha ne ji phaal le kpas ɛ yɔngɔ, “Mee nzo ire de ne iphɛ nang iken de. ɛHiha ɛnyi ne ɛ kɛ yɛɛs ɛlɔ nge gha sɔng aa ne tang phok ikpyak kang, ɛhaa ne ɛ kɛ nang ne itin nɛ ne mo wo sɔng irway ɛbhɛ yaa ne tang has sang.

iKabyik ɛTaanggbey de iphɛ phɛ so ɛkɔn na ne iphɛ nang iken; sɔng ibek bok ito ne nang iken nang. iVol da ne nggɛ ne bol ne nyinɛn no ne so ivaa ne iKabyik ɛTaanggbey ne ifɛ ne nang iken.

Sɔng ɛ tak ɛn iyɔm be daa ɛtomɛ ne tɔk ire de ne iphɛ sɛ́ bɛɛs se wo nang, yang tak ɛn iyɔm be daa ɛtomɛ ne tɔk ire de ne iphɛ i nang iken ne inat de. iRe yɛdee nggyɛ wo ne ɛNgɔn ɛNyi gha yaa ne nang nyini, daa ɛli ne ɛTaanggbey ne ɛ so ɛTaa bhɛ kɛ sim ɛbhɛ nɛ te ɛ mɔn ɛlɛy.”

iShwim ɛKyɛɛ nge da i bo wu ɛhiha ɛnyi gha ne ɛ kɛ yaang me ne nzo ɛNgɔn ɛTaanggbey ya, ɛ nang ne itin nɛ ne mee, aa ne bok iken ne inat. Nzɛ ne yiisik ɛbhɛ ɛtuk ne taal ɛzay ya.”

ɛYɛso gha ne kyii nɛ ɛ yɔngɔ, “ɛTaanggbey ya bo wu te ɛ nang ɛn ne itin nɛ ne ɛnyi gha ne ɛ kɛ tom ɛbhɛ wo.”

Gbik ninyi na ne ɛKyɛɛ nge gha kɛ ne ku nang me wo, nibhɛ yaa ne yɛɛs ɛlɔ nge gha, ɛhiha ɛnyi ne ɛ kɛ ne yɛɛs ɛlɔ nge gha sɔng naa ne mbaray me ɛbhɛ nang.

ɛSimɔn ɛBiturus sa ne kyii ɛbhɛ nɛ ɛ yɔngɔ, “ɛDaray, njwi yaa phɛ ɛlɔ ɛhay? iGyɛ ɛ bok ivol da ne ifɛ nang iken ne inat de.

Mee wo ne nzo ire de ne iphɛ nang iken de ne iphɛ le daa ne irywa wo. ɛHiha ɛnyi ne ɛ kɛ ne re ire yɛdee aa ne ku i shɛɛ ɛken ishay-ishay. iRe yɛdee wo ne so ibek nge ne naa nang tɛ ninaa ɛzay ya sɛ iken de.”

Sɔng ɛnyi yaa yɛɛ ne yɛɛs ɛlɔ nge gha ne hame ɛKyɛɛ nge gha ne ɛ kɛ tom me wo ɛbhɛ kɛ hɔwɔ ɛbhɛ nang. Mee nzɛ ne yiisik ɛbhɛ ɛtuk ne taal ɛzay ya.

Nzo iRe de ne ɛTaanggbey ya nang ngo iPhɛ phɛ soye ɛnyi gha ne ɛ kɛ le daa ne irywa wo ɛ nang ɛzay ya iken de.”

Mee nzo ire de ne iphɛ nang iken de.

ɛYɛso gha ne bo ivɛrɛdi da ɛ tɔɔl ɛTaanggbey ye irway ihwala, ɛ ji hosop ninyi na nɛ nibhɛ kɛ sooset to. Ɛ ta mɔn ɛlɛ ne izing ngge dɔng. ɛRɔngɔ ne re ire de ɛli ne iphɛ yaa hɔn ɛbhɛ. Kɛ ne sɛ nibhɛ kɛ sighisi en, ɛYɛso gha ne yaak ninɔn ne icwam ɛbhɛ na, “Tumɛ ɛn ɛbyin na ne i kɛ teesek ko. Sɔng i tek ɛkɔn ɛ bees se nang.”

Kɛ ne sɛ ɛtsim mɛ nɛ nibhɛ kɛ hyel ne ikparak nibhɛ wo ndɔ inɛn da nibhɛ phɛɛs ne hɔn imɛɛl itat, hang nwaas yɔɔ, nibhɛ ne yaang ɛYɛso yegha ɛɛ hyel daa inɛn da ɛ phɛɛs cɛcɛk ne ɛkparak nibhɛ wo, nibhɛ ne wum ɛnik. ɛYɛso gha ne yaak nibhɛ, “Sɔng ɛ wum ɛn ɛnik ko nang, ma so mee yee.”