Popular Bible Verses from Mɔl 17

શેર કરો

Mekɛ mɔɔ Ebilam lile ɛvolɛ abulahɔnla nee ngɔnla la, Ɛdɛnkɛma yele ɔ nwo hilele ye na ɔzele ye kɛ, “Medame a mele Nyamenle Bedevinli ne a; di me mɛla zo na mmamaa ɛ nwo nyia ngehanleɛ biala.

Bɛnrɛvɛlɛ wɔ Ebilam bieko, bɛbavɛlɛ wɔ Ebileham, ɔluakɛ meyɛ wɔ maanle maanle dɔɔnwo bɛ ze.

“Me nee wɔ nee ɛ bo zo amra bayɛ ngyekyeleɛ mɔɔ baha awolɛndoazo ne mɔ amuala la, na yeayɛ ngyekyeleɛ mɔɔ bɛntulu ye ɛlɛ a. Mebayɛ wɔ Nyamenle na meayɛ ɛ bo zo amra noko Nyamenle.

“Me nee wɔ ɛyɛ ngyekyeleɛ ne; ɛbayɛ maanle maanle dɔɔnwo bɛ ze.

Nyamenle zele ye kɛ, “Kyɛkyɛ, ɛ ye Sɛla bawo ralɛ nrenya na ɛbavɛlɛ ye Ayezeke. Mebali me ngyekyeleɛ ne azo meamaa ye nee ɔ bo zo amra mɔɔ bɛntulu ye ɛlɛ a.

Na mebava azɛlɛ ne mɔɔ ɛlɛkpɔsakpɔsa zolɛ la meamaa wɔ nee ɛ bo zo amra. Bɛbava Keena azɛlɛ ne kɔsɔɔti bɛayɛ bɛ ɛdeɛ, na mebayɛ bɛ Nyamenle.”

Ebileham dule dɔle mutule nu zelele na ɔbizale ɔ nwo kɛ, “Asoo nrenya mɔɔ ɛli ɛvolɛ ɛya la bahola awo ralɛ? Asoo Sɛla mɔɔ ɛli ɛvolɛ abulahɔnla la bawo ralɛ?”

Nyamenle zele Ebileham kɛ, “Ɛ ye Sɛleeyae noko, mmafɛlɛ ye Sɛleeyae bieko. Ye duma a le Sɛla.

Ɔvi ɛnɛ mɔɔ kɔ la, ɔwɔ kɛ bɛyɛ nrenya biala mɔɔ bɛkɛwo ye na ɔkɛli kenle mɔtwɛ la mrenyanu nzonlɛ. Saa bɛwo ye wɔ wɔ sua nu o, kanranli mɔɔ wɔva wɔ ezukoa wɔdɔ wɔvi ɛyɛvolɛ bie ɛkɛ ne la o, kanranli mɔɔ bɛwo ye wɔ wɔ sua nu ɛkɛ ne la o, ɔwɔ kɛ bɛyɛ ye mrenyanu nzonlɛ. Ɛhye a bahile kɛ bɛlɛdi me ngyekyeleɛ ne azo a. Ɔwɔ kɛ bɛyɛ bɛ mrenyanu nzonlɛ wɔ awolɛndoazo muala anu, amaa me ngyekyeleɛ ye nzonlɛ aha bɛ nwonane nu yeayɛ ngyekyeleɛ mɔɔ bɛntulu ye ɛlɛ a.

Noko Ayezeke mɔɔ Sɛla bawo ye ɛvolɛ bieko kabezɛ la, yemɔ yɛɛ me nee ye bakyekye me ngyekyeleɛ ne a.”

Ɔvi ɛnɛ mɔɔ kɔ la, ɔwɔ kɛ bɛyɛ nrenya biala mɔɔ bɛkɛwo ye na ɔkɛli kenle mɔtwɛ la mrenyanu nzonlɛ. Saa bɛwo ye wɔ wɔ sua nu o, kanranli mɔɔ wɔva wɔ ezukoa wɔdɔ wɔvi ɛyɛvolɛ bie ɛkɛ ne la o, kanranli mɔɔ bɛwo ye wɔ wɔ sua nu ɛkɛ ne la o, ɔwɔ kɛ bɛyɛ ye mrenyanu nzonlɛ. Ɛhye a bahile kɛ bɛlɛdi me ngyekyeleɛ ne azo a. Ɔwɔ kɛ bɛyɛ bɛ mrenyanu nzonlɛ wɔ awolɛndoazo muala anu, amaa me ngyekyeleɛ ye nzonlɛ aha bɛ nwonane nu yeayɛ ngyekyeleɛ mɔɔ bɛntulu ye ɛlɛ a.