Popular Bible Verses from KA ʻEUANELIO I KĀKAU ʻIA AI E LUKA 19

શેર કરો

“No ka mea, ua hele mai nei ke Keiki a ke Kanaka e ʻimi a e hoʻōla i ka mea i nalowale.”

ʻī akula: “«E hoʻomaikaʻi ʻia ke Aliʻi i hele mai nei ma ka inoa o ka Haku»; He malu ma loko o ka lani, a he hoʻonani i luna lilo loa!”

A laila ʻōlelo maila Iesū nona, “I nēia lā ua hiki mai ke ola ma kēia hale; no ka mea, he mamo nō hoʻi ʻo ia nei na ʻAberahama.

A hiki akula ʻo Iesū ma ia wahi, nānā aʻela ia i luna, a ʻike iā ia, ʻōlelo aʻela iā ia, “E Zakaio, e iho koke mai ʻoe i lalo; no ka mea, ua pono iaʻu ke noho ma kou hale i kēia lā.” A iho koke maila ʻo ia i lalo, a hoʻokipa aʻela iā ia me ka ʻoliʻoli.

A kū aʻela ʻo Zakaio, ʻī akula ia i ka Haku, “Eiʻa, ʻālike ʻālike o kuʻu waiwai, e ka Haku, ʻo kaʻu ia e hāʻawi aku ai no ka poʻe ʻilihune; a inā i lawe au me ka hewa i kā kekahi, e pāhā kaʻu mea e uku aku ai iā ia.”

A ʻōlelo akula iā ia kekahi poʻe Parisaio ma waena o ka ʻaha kanaka, “E ke Kumu, e pāpā ʻoe i kāu poʻe haumāna.” ʻŌlelo maila hoʻi ʻo ia, ʻī maila iā lākou, “Ke ʻōlelo aku nei au iā ʻoukou, inā e ʻōlelo ʻole lākou nei, e hoʻōho koke mai nō nā pōhaku!”