Popular Bible Verses from KA ʻEUANELIO I KĀKAU ʻIA AI E LUKA 15

શેર કરો

“A ʻeu aʻela ia a hele mai i kona makua kāne; a iā ia i kahi lōʻihi aku, ʻike akula kona makua kāne iā ia, hū aʻela kona aloha, holo akula ia, ʻapo akula i kona ʻāʻī, a honi akula iā ia.

no ka mea, ua make kēia keiki aʻu, a ua ola hou mai nei; nalowale akula hoʻi ia, a ua loaʻa mai nei.’ A ʻahaʻaina ihola lākou me ka ʻoliʻoli.

“Ke ʻōlelo aku nei au iā ʻoukou, ua ʻoi aku ka ʻoliʻoli ma ka lani no ke kanaka hewa hoʻokahi e mihi ana, ma mua o nā kānaka maikaʻi he kanaiwakumamāiwa ʻaʻole pono iā lākou ke mihi.

‘E kū au a e hele aku i kuʻu makua kāne, a e ʻōlelo aku au iā ia, “E kuʻu makua, ua hana hewa aku wau i ka lani a iā ʻoe

“ʻĪ maila ke keiki iā ia, ‘E ka makua, ua hana hewa aku wau i ka lani, a iā ʻoe, ʻaʻole e pono ke kapa hou ʻia mai he keiki nāu.’

“ʻO wai ke kanaka i waena o ʻoukou he poʻe hipa kāna hoʻokahi haneri, a nalowale kekahi o lākou, ʻaʻole anei ia i waiho aku i nā hipa he kanaiwakumamāiwa ma ka wao nahele, a ʻimi aku i ka mea i nalowale a loaʻa ia iā ia?