Popular Bible Verses from KA BUKE MUA A MOSE, I KAPA ʻIA KINOHI 17

શેર કરો

¶ I ke kanaiwakumamāiwa o nā makahiki o ʻAberama, ʻikea maila ʻo Iēhova e ʻAberama, ʻī maila iā ia, “ʻO wau nō ke Akua Mana; E hele ʻoe i mua o koʻu alo, a e hemolele ʻoe.

“ʻAʻole ʻoe e hea hou ʻia, ʻo ʻAberama, Akā, ʻo ʻAberahama kou inoa; No ka mea, ua hoʻolilo aku nō au iā ʻoe i kupuna no nā lāhui kanaka he nui loa.

“A e hoʻopaʻa nō hoʻi au i kaʻu berita ma waena oʻu a ou, a me kāu poʻe mamo ma hope ou ma nā hanauna o lākou, i berita mau loa, i Akua nō au nou, a no kāu poʻe mamo ma hope ou.

“ʻO wau nō, ʻeā, aia hoʻi me ʻoe kaʻu berita, A e lilo auaneʻi ʻoe i kupuna no nā lāhui kanaka he nui loa.

ʻĪ maila ke Akua, “He ʻoiaʻiʻo, na Sara e hānau ke keiki kāne nāu, a e kapa aku ʻoe i kona inoa ʻo ʻIsaʻaka; a e hoʻopaʻa auaneʻi au i kaʻu berita me ia, a me kāna poʻe mamo ma hope ona, i berita mau loa.

“A e hāʻawi aku nō au i ka ʻāina āu e noho malihini nei, i ka ʻāina a pau o Kanaʻana, nou, a no kāu poʻe mamo ma hope ou, i wahi e noho mau ai; a ʻo wau hoʻi ko lākou Akua.”

A laila, moe ihola ʻo ʻAberahama i lalo kona maka, ʻakaʻaka ihola, a ʻī ihola i loko o kona naʻau, “E hānau ʻia anei ke keiki na ka mea nona nā makahiki he haneri? E hānau mai nō anei ʻo Sara, nona nā makahiki he kanaiwa?”

¶ ʻŌlelo maila ke Akua iā ʻAberahama, “A ʻo Sarai ʻo kāu wahine, ʻaʻole ʻoe e kāhea hou aku i kona inoa, ʻo Sarai, e kapa ʻia ʻo ia, ʻo Sara.

“E ʻoki poepoe ʻoukou i ka ʻiʻo o ko ʻoukou ʻōmaka; ʻo ka hōʻailona ia o ka berita ma waena oʻu a ʻo ʻoukou.

“Akā, e hoʻopaʻa auaneʻi au i kuʻu berita iā ʻIsaʻaka, i ka mea a Sara e hānau mai ai nāu, i kēia manawa o kēlā makahiki aku.”

“I ka pō ʻawalu o kona ola ʻana, e ʻoki poepoe ʻia nā keiki kāne a pau o nā hanauna o ʻoukou; ʻo ka mea i hānau ma kou wahi, a me ka mea i kūʻai ʻia i ke kālā na ke kanaka ʻē mai, ka mea ʻaʻole nāu i hua mai. “ʻO ka mea i hānau ma kou wahi, a me ka mea i kūʻai ʻia i kou kālā, he pono nō e ʻoki poepoe ʻia ʻo ia; a e pili auaneʻi kaʻu berita ma ko ʻoukou ʻiʻo i berita mau loa.