Popular Bible Verses from KA BUKE MUA A MOSE, I KAPA ʻIA KINOHI 12

શેર કરો

“A e hoʻolilo au iā ʻoe i lāhui kanaka nui, E hoʻomaikaʻi aku hoʻi au iā ʻoe, E hoʻokaulana hoʻi au i kou inoa, A e lilo ʻoe i mea e pōmaikaʻi ai. “E hoʻopōmaikaʻi aku hoʻi au i ka poʻe hoʻomaikaʻi iā ʻoe, A e hōʻino aku au i ka mea hōʻino iā ʻoe, A iā ʻoe e pōmaikaʻi ai nā ʻohana a pau o ka honua.”

¶ I ʻōlelo mai ʻo Iēhova iā ʻAberama: “E hele aku ʻoe mai kou ʻāina aku, A mai kou poʻe hoahānau aku, A mai ka hale o kou makua kāne aku, A hiki i ka ʻāina aʻu e kuhikuhi aku ai iā ʻoe.

Hele akula ʻo ʻAberama e like me kā Iēhova i ʻōlelo mai ai iā ia; a hele pū ʻo Lota me ia. He kanahikukumamālima nā makahiki o ʻAberama, i kona wā i hele mai ai mai Harana mai.

ʻIkea aʻela ʻo Iēhova e ʻAberama, ʻī maila ia, “E hāʻawi aku nō wau i kēia ʻāina no kāu poʻe mamo.” Ma laila ʻo ia i hana ai i kuahu no Iēhova, ka mea i ʻikea e ia.