Popular Bible Verses from Saint Jean 15

શેર કરો

Mè ba di‐kiwila, da oui ba wanando̱ko̱kèli. Kè on ko̱ bi an bili, da mème bi an bilè, kè lé lénakè nyèta, baï ko̱ oui ba ndingna fèna mbéo tane mi tiya.

Oui bi an bili da mè bi an bil baï. Mahana ka wanando̱ko̱ di ko̱ tane ga ma baï léna lénakè ya, wara ko̱ kème sou mbo̱lo̱ bi di‐kiwila ya, mono mahana ka oui, tokoré ouime tane ga bi an bili ya, oui tane ga ma baï léna lénakè ya.

Da tokoré ouime bi an bili, da bong baïnjaka ni mi bi an bil baï, oui oui fèna on ko̱ ouime ji da yé mè ma nding fèn on hi oui.

Tane ga ti ba ouime ko̱ nza mi ya; da ba mème ko̱ nza oui, da sane oui tèn kala tou, baï an ouime sé, ka lé lénakè, da léna abaï ma na bi, da fèna on ko̱ ouime oui jing Baba, ka ling ni, yé kè ma hi oui.

Sénahang hana aféké tane ga ta toul aïn ya, ko̱ ba njoukouna mi yèng yana nè baï toula bako̱la nèli.

Wanando̱ko̱kèli on bon an moni ko̱ tane ga lé lénakè ya, kè koung on; da wanando̱ko̱kè aïnli bon ko̱ mi lé lénakè, kè kassa wanando̱ko̱kèli, an mi lé lénakè nyèta guèbambèl.

Bina baïnjaka guingna ni mini: Ouime sé hang hana ta; mahana ko̱ mème sé hang baï.

Ka mboro aïn mi ko̱ Baba ni mi ya jonafèn, tokoré ouime lé lénakè nyèta, mono yé oui ba njou‐séna bong nili.

Mè ba gba di‐kiwila, da Baba ni ba njou‐ko̱rakè.

Tokoré njoukouna mi tane bi an bili ya, ka wou nè bou kala mahana ka wanando̱ko̱ di on, ko̱ mi ho̱ko̱; da klime mang kon hèlè da rèng.

Mè sa fèn aïnli hi oui, an jangnandaï ni mi na an bil baï, da yé jangnandaï abaï mi mba.

Tokoré ouime pèng bina baïnjaka guingna ni, yé oui ma bi an bil sénahang ni, mahana ko̱ mème pèng bina baïnjaka guingna Baba ni da mème bi an bil sénahang‐è.

Fèn on ko̱ mème sa bi njaka baï, an ouime sé hang hana ta.

Tokoré ouime yé ba a bilkaou koukoula, yé bilkaou koukoula mi ji dodok njoukou nèli, da ba baï ko̱ oui tane ga ti ba a bilkaou koukoula ya, da baï ko̱ mème sane oui an wora njou‐koukoulali, mono, ko̱ bilkaou koukoula mi jèk oui.