Popular Bible Verses from Yoanɛ 6

શેર કરો

Yezo apa hɛ̃ la ya: “Mbi tɛ mɛ ndohɛ̃ zo bɛta du. Zo ko aga ge tɛ mbi ko, ta gwɛ̃ tɛ na gbɔ̃ngɔ lo bɛ gbɔ ma. Zo ko aye lo tɛ mbi ko, ta gwɛ̃ ngu na gbɔ̃ngɔ nga lo bɛ gbɔ ma.

Tɔrɔ Santo la ndohɛ̃ zo beta du, kanda ta zo alengbi ti luangɔ beta du na lo nguru tɛ lo nvɛni ma. Tɛnɛ mɛ ndo mbi tɛnɛ hɛ̃ ĩ ko, adu tɛnɛ tɛ Tɔrɔ Santo, ko tɛnɛ ni ndohɛ̃ zo beta du.

Ta ĩ li kwa na lo ti tɛ mɛ ndogbɛ̃ ma, kanda ale ĩ li kwa na lo ti tɛ mɛ ndoninga, tɛ mɛ ndohɛ̃ zo du ti kaka. Mbi Nyi Zo mbi na hɛ̃ngɔ ĩ tɛ ni ko, na lo mɛ ya. To mbi Nzapa afa yango ya, ni minya nda tɛ ni ti gbia na tɛrɛ mbi Nyi lo.”

Ti biani, ĩ ba ye mɛ bɛ To mbi aye lo mɛ: azi zu ko la ahũ mbi Nyi lo, la ala ye lo tɛ mbi ko, ala na luangɔ du ti kaka, ko mbi so gbanda la na pɛ kwá na lá ti fangɔ ngbanga.”

Yezo agbinya hɛ̃ la ya: “Ĩ ba kwa mɛ bɛ Nzapa aye ya ĩ li lo mɛ: ale ĩ ye lo tɛ mbi mɛ lo to mbi.”

Azi ko la To mbi ahɛ̃ la hɛ̃ mbi ko, ala na gangɔ ge tɛ mbi, ko ta mbi na kɛ̃ngɔ zo kɔi ko la na gangɔ ge tɛ mbi bɛ gbɔ ma.

Simɔ Petro agbinya hɛ̃ lo ya: “Gbia, se e dɔ mɔ e zia ko, tɛ e zo mɛ e gwe ka tɛ lo na? Mɔ la mɔ ndotɛnɛ tɛnɛ mɛ ndohɛ̃ zo du ti kaka.

Mbi tɛ mɛ alo ka ndozu la azu, ko tɛ ni ndohɛ̃ azi beta du. Se zo atɛ ni ko, lo lua du ti kaka. Tɛ mɛ mbi na hɛ̃ngɔ hɛ̃ azi ko, adu mi tɛrɛ mbi. Mbi hɛ̃ ni hɛ̃ azi ya, ala tɛ, wa ala lua beta du.”

Se ta To mbi mɛ ato mbi azi lege hɛ̃ zo ma ko, ta zo ni alengbi ti gangɔ na se bɛ lo ge tɛ mbi ma. To mbi la azi lege hɛ̃ lo, lo ga ge tɛ mbi, ko gbanda na lá ti fangɔ ngbanga ko, mbi so lo na pɛ kwa.

Ta sanga ma, tɛ mɛ Nzapa ahɛ̃ azi ko, adu mbi mɛ mbi lo ka ndozu mbi zu, ko mbi ndohɛ̃ azi bɛta du.”

Mbi tɛ mɛ ndohɛ̃ zo beta du.

Yezo ĩ lɔ mapa ni, ĩ hɛ̃ sia kɔli hɛ̃ Nzapa wɛ ko, lo hɛ̃ ni hɛ̃ ava lo, la ala kangbi na azi mɛ adunga so ndo ko. So pɛni, lo lɔ nga asusu ni, lo ĩ hɛ̃ sia kɔli hɛ̃ Nzapa wɛ ko, lo kangbi na la. Ala tɛ ni nga ma se ko la bɛ la aye. Ngoi mɛ azi zu ĩ tɛ ye, ya la ĩ sĩsĩ ko, Yezo apa hɛ̃ ava lo ya: “Ĩ lɔ tanga tɛ mɛ angbã, so agbe gɛgɛrɛ.”

Ngoi mɛ ala ĩ gbi, ĩ li kilomɛtrɛ ge tɛ kɔ̃ bere mana ko, ala hũ Yezo so lɛ ngu, ndodɔ nɔ, lo doli na ngɔ tɛ la, la mbɛtɔ agbɔ̃ la. Ko Yezo apa hɛ̃ la ya: “Mbi la, ĩ zia mbɛtɔ!”