Popular Bible Verses from MAKO 16

શેર કરો

Kaha avambile ngwenyi, Yenunga mumafuci osena, mujimbu wamwaza mukawambulule kuli vatu vosena.

Kaha vinjikizo evi navikavalamanga vaka-kwitava. Navakalovolanga vandemone halijina lyami, navakahanjikanga malimi amahya, navakakwatanga manoka, kaha kaci nge navakanwa cuma cakufwa, kacexi kukavakolesako, navakanangikanga mavoko avo hali vakakuviza, kaha hinavakanhinduka.

Uze mwaketava, navakambapacisa, navakamulwila. Oloze uze mwakakana kwitava navakamupayisa.

Vakivo vayile vambulwilenga mazu kwosena, kaha Mwata azacilenga navo hamwe, awazamixilenga Mazu navinjikizo vize vyavalaminenga. Amene.

Ikiye avambile ngwenyi, Kanda mulihomokelako. Muli nakumutonda Yesu wakuNazaleta, Uze vasukikanga kukulusu. Nasanguka lyehi. Kexi ceka munoko. Talenu oho vamusavalikanga.

Hakwandula meso avo vamwene lilolwa vanalixindumunako lyehi, mwomwo lyapwile lyalinene cikuma. Kaha vakivo hakwingila mucimbumbe vamwene mwanalunga hanatwame kumutamba wacilyo, navwale lihina lyakukuluka litoma, kaha valihomokelele cikuma.