Popular Bible Verses from YOWANO 6

શેર કરો

Yesu avambile ngwenyi, Ami yami kulya kana cakuyoya. Ou mweza kuli Ami kexi kukevwa ceka zalako, kahou mwangwitavilAmi kexi kwiza kukevwa ceka lipwilako.

Xipilitu Ikiye Muka-kuyoyesa, cisemwa cahamavu kacexi kuwahisa cipwe nakamweko. Awa mazu kana ngunahanjikAmi kuli enu akiko xipilitu, akiko kuyoya.

Kanda mukilikicila kulyeci cakunongako, oloze kilikicilenu kulya kana nacililanga nakukuyoya cahaya myaka yosena, eci vene mwamihana Mwanamutu, mwomwo you vene vanahake katacikijilo kuli Ise Kalunga, xikaho.

Mwomwo mukiko vene mwaya mucima waTata ngwenyi, wose mwamona Mwanenyi nakumwitavila atwamenga nakuyoya cahaya myaka yosena, kahAmi nangukamusangula halikumbi lyakukuminyina.

Yesu avakumbulwile ngwenyi, Milimo yaKalunga yeyi vene, yakwitavenu kuli Ou atumine Ikiye.

Cexoco mwanguhana Tata naciza kuli Ami, kahou mweza kuli Ami kangwexi kumuhangako.

Ximona Petulu amukumbulwile ngwenyi, Ove Mwata, natuya kuliyaze? Ove uli namazu akuyoya cahaya myaka yosena.

Ami yami kulya kana cakuyoya cinafumu mwilu. Kaci nge mutu mwalya kukulya cino mwayoyanga nahaya myaka yosena. Kaha kulya kana nanguhanAmi mangana vakamavu vakawane kuyoya, yikiko vene nyama yami.

Mutu naumwe pimbi mwahasa kulijila tuhu kuli Ami, xina kuvanga navamukoka kuli Tata, Uze angutumine, kahAmi nangukamusangula halikumbi lyakukuminyina.

Mwomwo kulya cakuli Kalunga ceci vene cakufuma mwilu nakuhana kuyoya kuli vaka-mavu.

Ami yami kulya kana cakuyoya.

Kaha jize jimbolo kana Yesu ajitambwile, kahomu alingile hanasakwilila lyehi ajipangilile kuli vaze vasendavalile, navaze vaixi nawa mwexomwo vasakilile. Vakivo omu vekucile, himwavamba tumbaji twenyi ngwenyi, Vihandevi vanasezeho vikungululenu, kucina nakujimbala cimwe.

Jino omu valingile hivanavuu lyehi nakuhambakana masatela kafwe makumi avali namasatela atanu, nyi makumi atatu ngana, vamumwene Yesu ali nakutambuka helu lyameya amucijiva nakupandama kuwato, kaha vevwile woma. Oloze Ikiye avambile ngwenyi, Yami vene, kanda mwivwa womako.