Popular Bible Verses from Luka 22

શેર કરો

Tata, eie se ua ki andala, dikáu dia phaxi dienhidi, ngi katule-diu. Maji-phe ki ngindi kuamba o vondadi iami iene i bhita, ki kale ngó o vondadi ié. [

Eme-phe nga ku diondela, Ximá, phala o kuxikana kué ki kúbhue ni ku lémbue. Eie-phe, hinu ki u vutuka dingi kokuami, kolokotesa jiphange jé.

Anga u katula o mbolo, u sakidila Nzambi, anga u i uana, u i bhana o maxibulu, uixi: Iú uene o mukutu uami, [uòbhane mukonda dienu. Bhangenu jinga kienhiki mu ku ngi banza eme.

Ni kopho ue kiene kimoxi, kia zubha o kuseiala, uixi: Dikáu didi, kiene o Kikutu kiòbhe bhukaẋi ka Nzambi ni athu, kiòkolese ni manhinga mami, manda kubhubha mukonda dienu.]

Malamba mê anga u kumbama na-u, anga u samba dingi ni nguzu. O suualu iê anga i biluka kala matoxi ma makota ma manhinga, ma-la kuenda ni kumbomba bhoxi.]

Enu-phe mudienu, ki kiene ki ki kala. Mudienu uoso ua beta o ukota, a kale kala muène o ndenge; o uoso u tumina, a kale kala muène ala ku mu tumina.

Jezú u mu vutuila, uixi: Ngi kuambela, Phetele, kuma lelu muene o dikolombolo ki dia-ndu kokola, katé eie ua ngi di tunu lutatu, kuma kua ngʼijiia.