Popular Bible Verses from JENESIS 21

શેર કરો

Bad U TRAI u la wan-i ïa ka Sara kumba u la lah ong, bad U TRAI u la leh ïa ka Sara kumba u la lah ong.

Te U Blei u la ïohsngew ïa ka jingud lynñiar uta u khynnah; bad u angel U Blei u la khot ïa ka Hagar na bneng, bad u la ong ha ka, “Ka la jia aïu ïa pha Hagar? to wat sheptieng ho; naba U Blei u la ïohsngew ïa ka jingud lynñiar u khynnah nangtai ha kaba u don keiñ. To da ïeng mih noh, to da shim kynthup ïa u khynnah, bad to da bat ïa u ruh da la ka kti; naba ngan pynlong ïa u ka jaid bynriew kaba khraw.”

Namar ka Sara ka la punkhun, bad ka la kha ïa u khun ïa u Abraham ha ka jinglong tymmen jong u, ha kata ka Ïa keiñ ba la buh ïa kaba U Blei u la lah ong ha u.

Te ka Sara ka la ong, “U Blei u la pynrkhie kmen ïa nga, bad baroh kat kiba ïohsngew kin ïarkhie kmen lem bad nga.”

Hynrei, U Blei u la ong ha u Abraham, “Wat ai ba yn pynsngewsih ïa me na ka bynta uta u samla, bad na ka bynta ka mraw jong me; ha kiei kiei baroh ba ka Sara ka la ong ha me, to da pynshahshkor keiñ ïa ka ktien jong ka; naba ha u Isaak yn khot u symbai jong me.

Bad shaphang u khun jong kata ka mraw ruh ngan pynlong ka jaid bynriew ïa u, namar u long u symbai jong me keiñ.”