Popular Bible Verses from Mə́líkusu 4

શેર કરો

Yə́susu a ná hɔnyɔ́á, a ná umbúínyi nə́yíə́, a ná nɔmɔ́ bámálɛ́na, a sɛ́á: «Náyá yə́ə́bu!» Umbúínyi wɔ́ ná nə́yə́níə́, ɛbɔ́ka yɛ́ ná nə́yə́níə́ yə́ə́bu. Yə́susu a sɛ́á: «Ɛlɔ́áyɛ́ yatɛ́ nɔ ndɔ kɔ́lɔ́ma əə́? Bɔkɔasɛ́á nɔ lɛ báá na nɛkɔmba əə́?»

Ata nɔ́yɛ́, basɔ́másɔma bá ka báá na bɔkɔ́lɔ́ma bɔŋɛ́ŋa; bá laaka bəə́bú na bəə́bu bá sɛ́á: «Ɛ́yánɛ́ mɔndɔ wɔ́ɔwɔ ɔwá ata umbúínyi na nɔmɔ́ nɛ́ ndɔ wɛɛ́ya ɔ́kɛ́na əə́?»

Ɔ yɛ́táyɛ́ ikúílí, Yə́susu a ka báá ɔ hinó ɔ matá má isóyí, a nɔ́ mɔlɔ́á tála ɔ nɛátɛa ɔmbáŋá. Báyɛ́á Basɔ́másɔma bá ná wɛɛ́ya hunyíə́, bá sɛ́á: «Á Ába, yɛ́ lɛ ndɔ aŋɔ́á kɛa ata bɔkɔa nɔ́yɛ́ ɛ́sɛ́á tɔ nɔ́ ákána uwə́ə́ əə́?»

Yə́susu a ná manyɔ́ ɔ uwəbú lɛna a sɛ́á: «Nɔ́ bɛkɔa bíkókósókíə́ ɔbɛ́á nɔ ndɔ ɔ́kɔ bɔkɔasɛ́á, ɔ ɛnya ɔyɛ́á nɔ ndɔ bənə́bənə́ kɛa, yɛɛ́ta á Huɛlɛ́ a ŋɔ bənú kɛaka hɔ́ánánátɔ.

Yə́susu a ná manyɔ́ laa a sɛ́á: «Nɛmanɛna nɛ́ Huɛlɛ́ nɛ́ lɛa hɔ́ákátɔ́ ɔ məfumə́ ɔmá muminə a ná míə́kínə́ ɔ ɔwayɛ́ ɛtɔbɔtɔ́bɔ́. A bámɛnɛna ɔbánɔ́ ɔ hinó, ata ɛmbɛnyɛ́, bulúə́ na buɔsɛ́ tɛ́á, məfumə́ má lɔaka, má ɔ́mbɔkɔ, mɔ́táyɛ́ muminə a lɛ manyá nəníə́ nɔ́yɛ́ yɛ́ ndɔ bɛ́tɔ́mba.

Ábá mɔndɔ a lɛa na məlúə́ má ɔ́wɔ́kɔ́nɔ, á ɔ́kɔ́kɛ́na!»