Popular Bible Verses from Mə́líkusu 2

શેર કરો

Yə́susu a ná nɔ́yɛ́ ɔ́kɔ́kɛ́na, a ná bəə́bu lɛ́na a sɛ́á: «Tátá bááyɛ́ ɔbá bá ndɔ niŋə muɛsɛ bá ndɔ ɛmɔ́ɛ́nɛ́ siə, mba bɛnákɛnáka. Mɛ sa ndasá ɔ yɛ́ɛ́yɛ́ misí ɔ bátaká ɔwɛ́lɛna, mba bakɛamabɛ́á.»

Ɛnaka Yə́susu a bááyɛ́ bɛndɔ siəkínə́ ɛ́sɛ́á bá ná báá na nɛkɔmba tálɛ́nátɔ́ ɔ ɔwayɛ́, a ná ɛkátá lɛ́na a sɛ́á: «Á wamɛ́á mɔná, mɛ ná aŋɔ́á máwɔ́á mabɛ́á niasɛ́na.»

Yə́susu a ná bəə́bu lɛ́na a sɛ́á: «Bá ka Sábatɛ tábɔ́naka ɛlɔ́áyɛ́ mɔndɔ, mba tátá á mɔndɔ ɛlɔ́áyɛ́ Sábatɛ

Mba, bá sa ɛnɔ́mɛ bɔ́ŋɔ ɔ ɔwáyɛ́ ɔwakánana á Yə́susu busíə́ bɔkɔasɛ́á, bɛndɔ bá ka báá kɔtákánátɔ. Nɔ́yɛ́, bá ná báláka ɔ muanda ɔmbáŋá, bá ná yósi ósó ɔ ɛbɔ́ka ɔyɛ́á Yə́susu a na báá tɛ́nɛ́mátɔ. Bá ná ɛkátá yɛ́ mɔndɔ tukíníə́ na mikolí siəníníə́tɔ́ ɔ ɛkaálɛa.

Ə́yə́ə́! Mɛ ndɔ bənú lɛna ɔwá, nɔ manyá nɔ sɛ́á Mɔná wa mɔndɔ a lɛa na iŋgínə́ ɔ bɛndɔ ɔ mabɛ́á ɔnɛasɛna ɔ misí.» A ná ɛkátá lɛ́na a sɛ́á: «Hɔalɛ́na tɛ́nɛ́ma, ɛtá yáwɔ́á ɛkaálɛa, úlúə́ ɔ ɔwáwɔ́ ɔmbɛ́la!»

Yatɛ́ yɛ́ lɛ́á ányákátɔ́ ɔwá mɛ ɛkátá lɛ́na mɛ sɛ́á: “Mɛ ná aŋɔ́á máwɔ́á mabɛ́á niasɛ́na ataná, hɔalɛ́na túáná yáwɔ́á ɛkaálɛa kɛndáka əə́?”

Mɔndɔ a ná hɔalɛ́ná mɔtɛ́nɛna, bɛndɔ bəkimə bá wɛɛ́ya siəkinə, a ná yáyɛ́á ɛkaálɛa ɛta, a ná ákana. Nɔ́yɛ́, bɛndɔ bəkimə bá ná ə́lə́mə́nə, bá Huɛlɛ́ tuúmə índiəkinə bá sɛ́á: «Ata buɔsɛ́, tɔ lɛ boóko ɔ yɛ́ɛ́yɛ́ ɛnya yɛ bɔkɔa usinə!»