Popular Bible Verses from Mə́líkusu 12

શેર કરો

Yə́susu a sɛ́á: «Ɔ́kɔ́kɛ́na, á Ísilahɛ́lɛ, Isə́lúkú ɔ yəsúə́ Huɛlɛ́ a lɛa bíbúə́ Isə́lúkú; ɔ ná hɔ́ánáná á Isə́lúkú ɔ yawɔ́á Huɛlɛ́ uhikiə na wə́wúə́ mɔlɛ́má mukimə, na híə́wúə́ hɛtányɛ́ hikimə, na yáwɔ́á ɛfɛka yikimə na yáwɔ́á iŋgínə́ mikimə. Ɔ́ umbə́ndə́ wɔ́ ná úndúsíníə́ úfəndí wúuwu: Ɔ ŋɔ wawɔ́á mukúlə́kulə hikəkiə ɛ́sɛ́á aŋɔ́á bɛ́múɛ́tɛ́. Umbə́ndə́ mɔŋɛ́ŋa muinə́muinə́ wɔ́ lɛ báá ɔ ɔyáyɛ́ná yííyí ífəndí.»

Yə́susu a ná báyɛ́á bɔkɔ́nɛna ɛ́lɛ́ná, a ná bəə́bu lɛ́na a sɛ́á: «Ɔ taká, mɛ ndɔ bənú lɛna ɔwá, híihi hɛtɔyɔ́nɔ́ hɛ́ ilíkímúə́ndú a ná háá ɔ ɛkana yáyɛ́ná bəkimə. Ɔ taká bə́ə́ní bəkimə bá ná bɛcácɔ́ índíə́kínə ɔbɛ́á bɛ́ lɛ bəə́bu báá mɔɔsɛ́ŋɛ́; mba ɔwayɛ́, na bɔ́áyɛ́á bɔtɔyɔ́ bukimə, a ná hánɛ́ná yatɛ́ ɔyɛ́á a ná bá itíə́nə́tɔ, yatɛ́ ɔyɛ́á yɛ́ ná wɛɛ́ya báá ɔwá a ayɛ́ niŋə́kə.»

Yə́susu a ná túə́nə ɔ ɛmɛ́ŋɛ́ yɛ ɛkana yɛ́ mahánɛna ɔ Tɛ́mbɛlɛ, a siəkinə ɛ́sɛ́á bá ndɔ bɛcácɔ́ háá umə́. Bobóŋóní bá bɛcácɔ́ hákɛna biəŋí. Hɛtɔyɔ́nɔ́ hɛ́ ilíkímúə́ndú a ná ndafama, a ná háá bɛcácɔ́ bɛ́fandɛ́.

ɔwayɛ́ uhikiə tɔ́na na wə́yíə́ mɔlɛ́má mukimə, na yáyɛ́á ɛŋgɛ́lɛ́ yikimə, na yáyɛ́á iŋgínə́ mikimə, mukúlə́kulə uhikiə ɛ́sɛ́á aŋɔ́á bɛ́múɛ́tɛ́, nɔ́yɛ́ yɛ́ ná bɛfɔná na mahánɛna məkimə yayɛna.»

Yə́susu a ná bəə́bu lɛ́na a sɛ́á: «Nɔ́ Káyɛsa índíə́ yatɛ́ ɔyɛ́á yɛ́ lɛ́á yɛ́ Káyɛsa, nɔ́ Huɛlɛ́ índíə́ yatɛ́ ɔyɛ́á yɛ́ lɛ́á yɛ́ Huɛlɛ́.» Yayɛ́á ɛbɛ́kámɔsɔna yɛ́ ka bəə́bu ə́lə́mənəsiə mɔŋɛ́ŋa.